न्युजिल्याण्डः न्युजिल्याण्डमा गत सोमबार गएको शक्तिशाली भूकम्पपछि सयौं पटक पराकम्प गएको छ । भूकम्प र पराकम्पका कारण गएको पहिरोले अलपत्र परेका पर्यटकलाई सुरक्षित स्थानमा सारिएको छ ।
भूकम्पपछि पहिरोले बाटो अवरुद्ध भएपछि सैनिक हेलिकोप्टरको प्रयोग गरी पर्यटकलाई सुरक्षित स्थानमा सारिएको छ । न्युजिल्याण्ड, अमेरिका तथा जापानका सैनिक जवानहरुले पहिरोले अलपत्र परेका १२ सय व्यक्तिहरुलाई उद्धार गरेका थिए ।
सोमबार न्युजिल्याण्डमा सात दशमलव आठ रेक्टरस्केलको भूकम्प गएको अमेरिकी भौगर्भिक सर्वेक्षण संस्थाले जनाएको छ । त्यसपछि सयौं पटक त्यसका पराकम्प गएका छन् । भूकम्पमा परी दुई जनाको मात्र मृत्यु भएको खबर प्राप्त भएको छ ।
पाँच वर्ष अघि न्युजिल्याण्डकै क्याइटचर्च नजिकै केन्द्र बनाएर गएको ६ दशमलव तीन रेक्टर स्केलको भूकम्पमा परी एक सय ८५ जनाले ज्यान गुमाएका थिए ।
प्रतिक्रिया दिनुहोस !
