‘प्रेम सर्तहीन हुुन्छ’

मानिसले शिक्षादीक्षाअनुुसारको पेसा व्यवसाय रोज्छ । कतिले गर्दै सिक्दै गर्दा आफ्नो व्यवसाय निर्धारण गर्छ, कतिपयले सानैदेखिको रहर र रुचिलाई ‘करिअर’ बनाउन थाल्छन् । त्यस्तै रहर, रुचि र सपना बोकेर दिनैपिच्छे नेपाली कलाकारितामा नयाँ अनुुहार उदाउने क्रम जारी छ ।

क्षणभरमै आउने र पलभरमै हराउने क्रम पनि यो क्षेत्रमा चलिरहेको छ । केही पुुराना भए पनि विस्तारै आफूलाई अब्बल बनाउने योजना बोकेर यस क्षेत्रमा लागेकी कलाकार हुुन्, सरु उप्रेती । करिब आधा दशकदेखि नेपाली कला क्षेत्रमा भए पनि अझै धेरै सिक्न बाँकी रहेको उनको बुुझाइ छ । आफू सक्षम भए स्वतः चर्चा परिचर्चा भइहाल्ने उनको बुुझाइ छ । मोरङको गोविन्दपुुर–४ निवासी सरुका पिता अग्निप्रसान उप्रेती र आमा रुक्मिणी उप्रेती हुुन् ।

सरुले यति बेला नेपाली कलाकारितामा शालीन कलाकारका रूपमा आफूलाई चिनाउँदै गएकी छन् । उनको परिवार मोरङबाट बसाइँ सरेर केही वर्षदेखि झापाको दमकमा बस्दै आएको छ । मोरङको गोविन्दपुुरबाटै एसएलसी गरेकी सरु जनमैत्री क्याम्पस काठमाडौंबाट प्लस टुु सकेर बीए अध्ययनको तयारीमा छिन् ।

अध्ययनसँगसँगै कलाकारितालाई पनि अगाडि बढाइरहेकी उनी यस क्षेत्रप्रति आकर्षित हुुनुुको कारण थियो— टीभी, रेडियो र चलचित्र । ‘सानैमा पर्दामा कलाकार देख्दा त्यस्तै बन्छुु भन्ने लाग्थ्यो’, सरुले भनिन्, ‘स्कुुलमा पनि म सांगीतिक कार्यक्रममा सहभागी हुुन्थेँ, राम्रै गर्थेँ ।’ पछि उनका साथीभाइ गायक, मोडेल बनेपछि भने उनले यस क्षेत्रमा पाइला राखिन् ।

‘जुुन क्षेत्रबाट भए पनि नाम कमाउनुु, आफू र आफ्नो ठाउँको पहिचान बनाउनुु जिन्दगीको उद्देश्य होइन र ? ’ भन्ने धारणा राख्ने सरुले सुुरुमा सुुभास पोखरेलको टेलिभिजन सिरियल ‘नम्बर १ घरबेटी आमा’मा पहिलोपटक अभिनय गरिन् । त्यसयता ‘तोरीलाउरे’, ‘झ्याइँकुुटी झ्याइँ’ सिरियलमा काम गरिन् ।

‘उनी’ नामको डकुुमेन्ट्री चलचित्रमा काम गरेपछि उनले म्युुजिक भिडियोमा हात हालिन् । हालसम्म सरुले अभिनय गरेका करिब १२ वटा म्युुजिक भिडियो छन् । उनले आधुुनिक, लोक र तीजजस्ता सबैखाले म्युुजिक भिडियोमा आफ्नो कला प्रस्तुुत गरेकी छन् ।

आफूलाई आफ्नै नामले चिनाउन चाहने सरुलाई यति बेला चलचित्रका लागि समेत अफर आउने गरेको छ । ‘दुुईवटा चलचित्रका लागि अफर आएको थियो, मेरो निजी कामले गर्दा हुुन्छ भन्न सकिनँ’, उनले भनिन्, ‘समय आएपछि म नायिकाका रूपमा देखिन्छुु ।’
नेपाली कलाकारितामा पनि सम्भावना बढ्दै गएको देखेकी सरुले त्यसका लागि कलाकारले पनि आफूलाई सक्षम बनाउँदै लैजानुुपर्ने बताइन् । कलाकारिताको नाममा चर्चामात्रै बटुुल्न खोजेर त्यसले सम्मान र दिगोपन नदिने उनको बुुझाइ छ ।

आर्थिक, सामाजिक र व्यक्तिगत रूपले केही जोखिम भए पनि यस्तो जोखिम जताततै हुुने बताउँदै सरुले भनिन्, ‘आफू राम्रो भए अरूले के बिगार्छ, भन्छन् नि आफू भलो त जगत् भलो ।’ जीवनलाई प्रकृतिको अमूल्य उपहार सम्झने उनी यो सुुन्दर अवसरलाई खुुसीका साथ बिताउनुुपर्ने सुुझाव दिन्छन् । जीवन सुुन्दर बनाउन सुुन्दर सोच र सत्य प्रेम चाहिने उनको मान्यता छ ।

प्रेम र जीवनलाई एकअर्काको परिपूरक सम्झने उनी प्रेमबिनाको जीवन असम्भव देख्छिन् । ‘प्रेमबिनाको जीवन त निरस र उजाड भइहाल्यो नि !’, उनले भनिन्, ‘प्रेम त आमा, बुुवा, दाजुुभाइ, दिदीबहिनी जोसँग नि हुुनसक्छ ।’

प्रेमको अर्थ सेक्स नहुुने धारणा राख्ने सरुले भनिन्, ‘प्रेम उद्देश्यहीन हुुनुुपर्छ, उद्देश्य बोकेको प्रेम त स्वार्थ भइहाल्यो नि ।’ सेक्स मानिसको जीवनमा हुुने भए पनि यो प्राकृतिक क्षण भएको उनको ठम्याइ छ । ‘सेक्समा सामाजिक मर्यादा हुुन्छ । मर्यादा नाघ्नुु भनेको विकृति हो’, सरुले भनिन् ।