काठमाडौः नेपालका लागि होन्डा पावर प्रोडक्टको आधिकारिक वितरक स्याकार टे«डिङ कम्पनी प्रालिले बहुउपयोगी होन्डाका हाते ट्रयाक्टर बजारमा ल्याएको छ ।
कृषकले सजिलैसँग खेती गर्न सकुन् भन्ने उद्देश्यकासाथ कम्पनीले ‘होन्डा एफजे ५००' मोडलको बहुउपयोगी हाते ट्रयाक्टर बजारमा ल्याएको हो ।
यस टिलरको बजार मूल्य एक लाख ६० हजार रहेको कम्पनीले जनाएको छ । टिलरका साथै त्यससँग सम्बन्धीत विभिन्न आठ सामग्री पनि सुपथ मूल्यमा बिक्रीका लागि राखिएका छन् ।
आईएसओ ९०००ः२०००, आईएसओ १४००१ र एफटीटीआई मान्यता प्राप्त उक्त टिलरमा जीएक्स १६० आईएचभी सिलिन्डरको प्रयोग गरिएको छ ।
फोर स्ट्रोक, एसी र ५.५ एचपीको शक्तिशाली इन्जिन रहेको उक्त ट्रयाक्टरमा उचाइ मिलाउन सकिने ह्यान्डिल पनि राखिएको छ । साथै अन अफ स्वीच तथा स्पिड नियन्त्रण पनि ह्यान्डिलमै छ ।
त्यस्तै हिलो र धुलोमा सजिलै चल्न सक्ने स्नुकर एअर क्लिनरका साथै यसको ग्राउन्ड क्लियरेन्स पनि राम्रो रहेको कम्पनीले जनाएको छ ।
यस हाते ट्रयाक्टरले पाँचदेखि आठ इन्चसम्मको गहिराइ तथा १८ देखि २४-३६ इन्चसम्मको चौडाइलाई आवश्यकता अनुसार थपघट गरी अनावश्यक घाँस उखेल्न, खेत जोत्न, सम्याउन, र ड्याङ बनाउन सकिनेछ ।
प्रतिघन्टा एक रोपनीसम्म खेत जोत्न सक्ने ट्रयाक्टरको इन्धन खपत प्रतिघन्टा एक लिटर रहेको कम्पनीले जनाएको छ ।
प्रतिक्रिया दिनुहोस !
