मलाई हतार छैन

मलाई हतार छैन

प्राश्ना पाण्डेले गायिकाको छवि बनाइसकेकी छन् । नेपाली सांगीतिक आकाशमा उदीयमान गायिका प्राश्नाले 'गाजलु आँखा'बाट सांगीतिक उद्योगमा पहिलो पाइला राखिन् । युवा संगीतकार राम सिटौलाको शब्द र संगीत रहेको गीतको म्युजिक भिडियो सार्वजनिक भएसँगै चर्चा पनि बढेको उनको दाबी छ । हट र सेक्सी गायिकाको इमेज बनाउन सफल प्राश्नाले ४/५ कक्षादेखि नै गाउन थालेकी हुन् ।

भजनकीर्तन र धार्मिक मेलामा गाएर वाहवाही पाएको प्रसंग सुनाउँदै उनले भनिन्, 'अहिले पनि म बालापन सम्झेर, अतीतका यादमा नोस्टाल्जिक हुने गर्छु ।' कक्षा ९ देखि १० सम्म ऐच्छिक संगीत लिएर पढेकी प्राश्नाले प्लस टुमा संगीत पढ्न नपाएको बताइन् । त्यही कुराले थकथक लाग्ने गरेको उनले बताइन् । तर, सांगीतिक तिर्खा मेट्न उनले साधना कला केन्द्रमा प्रकाश गुरुङसित तीन वर्षसम्म संगीत सिकिन् । आमसञ्चारमा भर्खरै स्नातक गरेकी उनले एमबीए गर्ने योजना बनाएकी छन् ।

इलामबाट उनका बुवाआमा झापा बसाइँ सरे । प्राश्ना झापामै जन्मिन् । पिता तिलकसिंह पाण्डे र माता रूपा पाण्डेका तीन सन्तानमध्ये प्राश्ना जेठी छोरी हुन् । बुवा प्रफेसर हुन् । माता गृहिणी । युवा संगीतकार तथा गीतकार राम सिटौलासित उनी सेमिक्लासिकल संगीत सिक्दैछिन् । त्यही क्रममा उनले पहिलो एल्बम बजारमा ल्याइन् । राम सिटौलाको एकल संगीत रहेको एल्बममा चर्चित गायक प्रमोद खरेलले एउटा गीतमा साथ दिएका छन् । अर्को गीतमा राम सिटौलाले साथ दिए ।

'मान्छेहरूले चर्चामा आउन खोइ केके कोकोसित अफेयर चलाउँछन् । हल्लामा उड्छन् अरे ! तर मेरो भने 'तिमी र म' शीर्षक एल्बमसित आँखा जुध्यो । प्रेम गरेँ', उनले भनिन् । उनको डेब्यु एल्बम 'तिमी र म'मा पाँचवटा गीत छन् । एल्बमको पहिलो नम्बरमा रहेको 'छुकछुक गुड्न थाल्यो' बोलको गीतमा चर्चित गीतकार शीतल कादम्बिनीको शब्द छ । 'गाजलु आँखा' र 'जब जब तिमी र म' गीतका शब्द राम सिटौलाका हुन् । 'तिम्रो हरेक स्पर्श'ले गीत प्राश्नाकै शब्दमा गाइएको हो । 'हृदयको कुनाभित्र' पूजा मारियाको शब्द रचनामा गाइएको हो । 'हिजो आज सबै भन्छन्' बोलको गीत यशोदा थापाको हो ।

प्रेम र सम्बन्धमा विश्वास राख्ने प्राश्नालाई घुमफिर, भेटघाट, फोटो खिच्न, पौडिन मन पर्छ । अग्रजका कुरा सुन्ने र पुस्तक पढने उनको रुचि हो । फ्युजन गीत, क्लासिकल र वेस्टर्न म्युजिक सुन्न रुचाउने उनी उमेरले सानै भए पनि अनुभवले हजुरआमा बन्न मन पराउँछिन् । सामाजिक मानमर्यादा र मूल्यलाई उनी यसरी बयान गर्छिन्, 'बजारमा चल्ने चर्चा र हल्ला हुन्छ तर म सुन्दिनँ । म आफ्नो काम गर्छु । सबैको सम्मान गर्छु, माया गर्छु । निरन्तर साधना र कालजयी गीत गाउने मेरो धोको छ । नाम रहिरहोस् । अरू केही चाहिएन ।'


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.