काठमाडौंः आइएमएस मोटर्सले आफ्नो नयाँ एक्सक्लुसिभ सोरुम सञ्चालनमा ल्याएको छ । आइएमएस ग्रुपअन्तर्गतको आइएमएस मोटर्सले कोरियाको प्रिमियम लक्जरी एसयूभी गाडी उत्पादन गर्ने कम्पनी साङयोङका गाडी बिक्रीवितरण गर्दै आएको छ ।
कम्पनीले आइतबार आइएमएस मोटर्स एक्सक्लुसिभ सोरुमको उद्घाटन गरेको हो । काठमाडौंको नक्सालमा (प्रहरी हेडक्वार्टर अगाडि) साङयोङ सोरुम सञ्चालनमा इएको हो । सोरुमको उद्घाटन नेपालका लागि रिपब्लिक अफ कोरियाका राजदूत तथा कार्यक्रमका प्रमुख अतिथि चो यंग–जिनले गरेका थिए । आइएमएस ग्रुपका अध्यक्ष दिपक मल्होत्रा, प्रेसिडेन्ट तथा सिईओ दिकेश मल्होत्राले उनलाई साथ दिएका थिए ।
सोरुम उद्घाटनको खुसीयालीसँगै आउँदो क्रिश्मस तथा नयाँ वर्ष २०१७ को अवसरमा कम्पनीले साङयोङ गाडीका खरिदमा पाँच लाखसम्म नगद छुटको व्यवस्था गरेको छ । उक्त अफर आइतबारदेखि पुस २२ सम्म लागू हुनेछ ।
प्रशस्त पार्किङ स्पेससहित सोरुम सञ्चालनमा आएको छ । उक्त स्टेट–अफ–आर्ट सोरुममा ग्राहकलाई विशिष्ट सेवा पुरयाउन तालिम प्राप्त दक्ष स्टाफ तथा अन्य सेवा पनि रहनेछ । यसैगरि, आइएमएस मोटर्सले नेपालका मुख्य सहरमा आफ्ना डिलरको उपस्थिति बढाएर झनै विस्तारित हुने योजना बनाएको छ । साथै, निकट भविष्यमा कम्पनीले एक्सक्लुसिभ साङयोङ सर्भिस सेन्टरको सुरुवातसमेत गर्ने उल्लेख छ ।
प्रतिक्रिया दिनुहोस !
