जीवन नै यात्रा हो

जीवन नै यात्रा हो

‘सरसर्ती संसार’मा तपाईंको संसार नियाल्ने काइदा कस्तो छ ?
सरसर्ती संसारमा मैले घुमेका केही ठाउँको वर्णन छ । छोटकरीमै भए पनि भ्रमण गरेको ठाउँको भूगोल, राजनीति, इतिहास, त्यहाँको रहनसहन, चालचलन, जातिहरू, भ्रमण गर्नुको उद्देश्य र त्यस ठाउँ पुग्दा आफूले गरेका अनुभूतिहरूलाई पुस्तकमा एकाकार गर्ने प्रयास गरेको छु । कतिपय ठाउँमा त्यहाँ भ्रमण गर्दा घटेका अनपेक्षित घटनाहरूको पनि वर्णन छ ।

यात्रामा के कुराले तपाईंलाई आकर्षित पार्ने गर्छ ?
त्यो ठाउँअनुसार फरक हुने गर्छ । जस्तो कि समुद्री तटमा जाँदा एक प्रकारको अनुभूति हुन्छ भने जंगल सफारीमा अर्कै खालको । त्यसैगरी ऐतिहासिक महत्वका सहर र आधुनिक सहरको भ्रमणमा पृथक खालको आकर्षण हुन्छ ।

लेख्नकै लागि कत्तिको यात्रा गर्नुभएको छ ?
लेख्नकै लागि भनेर यात्रा गरेको छैन । यात्रा गरेपछि भने कहिलेकाहीं तुरुन्तै लेखिहाल्न मन लाग्छ । जर्मनीको हैडलबर्ग विश्वविद्यालयमा संस्कृत भाषा अध्ययनको जानकारी पाएपछि भने त्यसै साँझ एउटा आर्टिकल लेखेको थिएँ । त्यो आर्टिकल ‘सरसर्ती संसार’मा समावेश छ ।

तपाईं किन लेख्नुहुन्छ ?
डायरी लेख्ने मेरो पुरानो बानी हो । देखे/भोगेका कुराहरू प्रकाशित गर्नका लागि नभई आफ्नै आर्काइभमा सुरक्षित राख्नका लागि म लेख्ने गर्छु । अरू व्यक्तिका लागि तिनको खासै केही महत्व हुँदैन । डायरीमा भएका विगतका घटनाहरूलाई पल्टाएर हेर्दा कतिपय कुरा आफैंलाई रोचक लाग्ने गर्छन् । पछिल्लो समयमा सामाजिक सञ्जालमा स–साना प्रसंगहरू सेयर गर्न थालेपछि लेख्ने जाँगर अलि बढेको छ ।

अरू विधामा पनि लेख्नुहुन्छ कि ?
पढेका केही पुस्तकहरूको ‘रिभ्यु’ बाहेक अरू विधामा केही लेखेको छैन । नियात्रा विधालाई भने निरन्तरता दिन मन लागेको छ । किनकि, जीवन यात्रा हो र यात्रा गर्नु मेरो सर्वाधिक रुचिको विषय पनि हो ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.