एजेन्सीः म्याक्सिकोको एक पटाका बजारमा भएको विष्फोटमा परी कम्तीमा २९ जनाको मृत्यु भएको छ ।
मेक्सिको सिटीदेखि ३२ किलोटिर टाढा खुल्ला जग्गामा भएको पटाका बजारमा विष्फोट भएको थियो । विष्फोटमा परी सयौं मानिस घाइते भएका छन् ।
विभिन्न अन्तर्राष्ट्रिय समाचार एजेन्सीले सार्वजनिक गरेका तस्बिर अनुसार एक स्टलबाट आगो लाग्न सुरु भएपछि विष्फोट भएको थियो ।
त्यसपछि पटाका बजार रहेको पूरै ठाउँमा विष्फोट भएको थियो भने त्यस ठाउँमा रहेका मानिसहरुबीच भागदौड मच्चिएको बीबीसीले जनाएको छ ।
विष्फोटपछि उद्दारका लागि प्रहरी, स्वास्थ्यकर्मीलगायतको टोली घटनास्थलमा पुगेको थियो । उक्त क्षेत्रमा सन् २००५ तथा २००६ मा पनि आगलागी भएको थियो ।
प्रतिक्रिया दिनुहोस !
