काठमाडौः मण्डला नाटकघरमा फाल्गुन ५ गते बिहिबारदेखि नाटक एक बोली एक दामलाई ङ समुहले मञ्चन गर्ने भएको छ । नेपालको पूर्वीभागमा सुनिरहेको दन्तेकथालाई सिजन दाहालले नाट्यरुपान्तरण गरेका हुन् भने प्रवीण खतिवडाले निर्देशन गरेका हुन् ।
दन्त्ये कथामा सुन्न पाइने कथामा जस्तै यस नाटकको परिबेश पनि पुरानै शैलीको छ । निर्देशक खतिवडाले पुरानै समयलाई मञ्चमा उतारेका छन् । नेपाली रंगमञ्चमा नाटक मञ्चन गर्नका लागि विदेशी लेखकका नाटक मञ्चन गरिरहेको अवस्थामा खतिवडाले हाम्रै घरगाउँमा सुनिरहेका लोक कथालाई मञ्चमा उतारेका छन् । नाटक मञ्चन गर्नका लागि हाम्रै वरिपरि देखिएका सुनिएका साना साना परिवेशहरुलाई जोड दिन खोजेको निर्देशक खतिवडा बताउँछन् ।
मान्छेले आफूले सुनेको र देखेको परिवेश अनुसार धारणा बनाउँछ र योजना बुन्न थाल्छ तर मान्छेको जीवनमा आफूले सोच्दै नसोचेका परिस्थीती पनि आइलाग्छन् । मान्छेको जीवन विसंगत् छ तर हामी जबरजस्ती संगत बनाउन खोजिरहेका छौँ । आजको आफ्नो समयलाई विश्वास गर्नु जरुरी छ । भन्ने कुरा नाटकले देखाउन खोजेको छ ।
ठट्यौली र रमाइलो शैलीमा तयार पारिएको यो नाटकमा जीवन भट्टराई, सुदाम सिके, शक्ति राई र संगीत सापकोटाले अभिनय गर्दैछन् भने रोशन थापा (आधा सुर) र दिपक श्रेष्ठको प्रत्यक्ष संगीत रहनेछ । यस नाटकलाई गोविन्द पराजुलीले निर्माण गरेका हुन् ।
प्रतिक्रिया दिनुहोस !
