काठमाडौः गोल्डस्टारका जुत्ता अब भाटभटेनीमा पनि पाइने भएको छ । गोल्डस्टारको आधिकारिक उत्पादक सुज म्यानुफ्याक्चरले भाटभटेनी डिपार्टमेन्ट स्टोरका शाखामार्फत गोल्डस्टारका जुत्ता उपलब्ध गराउने भएको हो ।
कम्पनीका अनुसार पहिलो चरणमा महाराजगन्ज र नक्सालस्थित भाटभटेनी शाखामा गोल्डस्टार जुत्ता उपलब्ध हुनेछ भने चाँडै नै भाटभटेनीका हरेका शाखामा गोल्डस्टार जुत्ता उपलब्ध हुने कम्पनीले जनाएको छ ।
ग्राहक सुविधालाई मध्यनजर गर्दै कम्पनीले आफ्ना उत्पादन भाटभटेनी स्टोरमा उपलब्ध गराएको हो । २०४६ सालदेखि बिक्री प्रवद्र्धन सुरु भएको गोल्डस्टार जुत्ता अहिले देशभर उपलब्ध छ । साथै, भारतीय बजारमा पनि गोल्डस्टारका उत्पादनको माग बढिरहेको छ ।
प्रतिक्रिया दिनुहोस !
