काठमाडौः एसियन बिस्कुट एन्ड कन्फेक्सनरी प्रालिद्वारा स्थापित नेपालको पहिलो चक्लेट फ्याक्ट्रीले आफ्नो नयाँ ‘पञ्च’ क्यान्डी बजारमा ल्याएको छ । उच्चस्तरीय र परिस्कृत मेसिनको प्रयोग गरी उत्पादन गरिएको यस पञ्च क्यान्डी स्वादिलो र रोचक रहेको कम्पनीले जनाएको छ ।
म्यांगो र गाभाको स्वादमा उपलब्ध यस क्यान्डीको भित्रि भागमा मसला भरिएको छ । केवल दुई रुपैयाँमा उपलब्ध यस पञ्च क्यान्डी नेपालभर रहेका उपभोक्ताले बजारमा सजिलै खरिद गर्न सक्नेछन् । उक्त चक्लेट नेपालकै सर्बाधिक बढी बिक्री हुने चक्लेटको रुपमा स्थापित हुने कम्पनीको विश्वास छ ।
सन् २०१२ मा सुनसरीको दुहबीमा स्थापना भएको एसियन बिस्कुट एन्ड कन्फेक्सनरी प्रालि नेपालकै सबैभन्दा ठूलो बिस्कुट र कन्फेक्सनरी उत्पादक कम्पनी हो । नेपाली उपभोक्तामाझ रुचाइएको गुडलाइफले ४० भन्दा बढी भेराइटीका बिस्कुटका साथै विभिन्न २० भेराइटीका चक्लेट उत्पादन गर्दै आएको छ । आफूसँग भएको पूर्वाधार र प्रविधिको प्रयोग गरी उपभोक्तालाई अरु ब्रान्डको तुलनामा सुपथ मूल्यमा गुणस्तरीय सामान उत्पादन गरिरहेको कम्पनीको दाबी छ ।
प्रतिक्रिया दिनुहोस !
