वेलायत संसद निर्वाचनको मतपरिणाम, सत्तारूढ दललार्इ धक्का
एजेन्सी : वेलायती संसदको तल्लो सदन 'कमन हाउस'का लागि बिहीबार भएको मध्यावधि निर्वाचनको मतपरिणाम आउनेक्रम अन्तिम चरणमा पुगेको छ । ६५० सीटका लागि भएको निर्वाचनमा ६४६ स्थानको नतिजा आइसकेको छ ।
जसमा सत्तारुढ दल कन्जर्भेटिभ पार्टीले ३१५ स्थानमा जीत हासिल गरेको छ भने प्रतिपक्ष दल लेबर पार्टीले २६१ स्थानमा जित हात पारेको छ । त्यसैगरी स्कटिस् नेशनल पार्टीले ३५ लिबरल डेमोक्रेट्सले १२ र डियुपी दलले १० स्थानमा जित हासिल गरेका छन् । अन्यले १३ स्थानमा जित हासिल गरेका छन् । बहुमतका लागि ३२६ सीट आवश्यकता हुन्छ ।
यसअघि सन २०१५ को आम निर्वाचनमा कन्जर्भेटिभ पार्टीले ३३१, लेबर पार्टीले २३२, स्कटिस् नेशनल पार्टीले ५६ र लिबरल डेमोक्रेट्स ८ स्थानमा जितेका थिए । डीयूपीले ८ र अन्यले १५ स्थानमा जित हासिल गरेका थिए ।
प्रतिक्रिया दिनुहोस !
