सुष्मासँग नजिकमा रहेर काम गर्ने महराको चाहना
काठमाडौं : उपप्रधान तथा परराष्ट्रमन्त्री कृष्णबहादुर महराले भारतीय विदेशमन्त्री सुष्मा स्वराजसँग नजिकमा रहेर काम गर्ने चाहना व्यक्त गर्नु भएको छ । ‘दुई मुलुकबीचको सम्बन्धलाई आगामी दिनमा अझ बलियो बनाउन उहाँसँग नजिकमा रहेर काम गर्न चाहन्छु,’ महरालाई उद्धृत गर्दै परराष्ट्रमन्त्रालयले भनेको छ ।
आफूलाई दिएको बधाई प्रति धन्यवाद दिँदै महराले त्यस्तो धारणा व्यक्त गर्नु भएको हो । महरालाई सुष्मा स्वराजले शुक्रवार टेलिफोन गरी बधाई सन्देश दिनु भएको थियो ।
उपप्रधान तथा परराष्ट्रमन्त्री नियुक्त हुनु भएकोमा महरालाई बधाई दिँदै सुष्मा स्वराजले नेपाल र भारत वीचको ऐतिहासिक र परम्परागत रुपमा रहेको नजिकको सम्बन्ध आगामी दिनमा आपसी विश्वास र लाभका आधारमा अगाडि बढने बताउनु भएको परराष्ट्रमन्त्रालयले जनाएको छ ।
प्रतिक्रिया दिनुहोस !
