कोलम्बियामा १५० पर्यटक चढेको डुंगा डुब्यो ।
एजेन्सी : कोलम्बियामा करीब १५० भन्दा बढी पर्यटक चढेको डुङ्गा जलाशयमा डुवेको छ । कोलम्बियन सञ्चार माध्याममा आएका खबर अनुसार हालसम्म ९ जनाको मृत्यु भएको पुष्टि भएको छ भने २८ जना हराइरहेका छन् ।
उत्तर-पश्चिम कोलम्बियाको मेडेलिन सहर नजिकैको पेनोल जलाशयमा डुंगा डुबेको स्थानीय अधिकारीहरु जनाएका छन् । डुंगामा १५० जना सवार रहेको भनिए पनि त्यसमा कति यात्रु थिए भन्ने आधिकारिक पुष्टि भने नभएको बताइएको छ ।
सामान्य घाइतेलाई स्थानीय अस्पतालमा उपचार गराईरहेको र गम्भीर घाइतेलाई कोलम्बियन एयर फोर्सको हेलिकप्टर मार्फत उपचारका लागि अन्यत्र लगिएको छ।
डुंगामा कुन देशका पर्यटक सवार थिए भन्ने बारे भने पुष्टि गरिएको छैन । उद्यपी उनीहरु कोलम्बियाको चर्चित होलीडे स्थल गुअटापे जाँदै गरेको भनिएको छ।