स्वास्थ्यकर्मी निर्वाचनमा खटिएपछि अत्यावश्यक सेवा प्रभावित
बर्दियाः स्वास्थ्यकर्मीहरु स्थानीय तह निर्वाचनमा खटिएपछि जिल्ला अस्पताल बर्दियाबाट दिईने अत्यावश्यक स्वास्थ्य सेवाहरु प्रभावित बनेका छन् । जिल्ला निर्वाचन कार्यालयले अस्पतालका ८० प्रतिशत स्वास्थ्यकर्मीलाई जिल्लाका विभिन्न स्थानीय तहरुमा निर्वाचनका लागि खटाएको छ । जसले गर्दा अस्पतालले दिने एआरटी, डट्स, फार्मेसी, ल्याब लगायतका सेवाहरु प्रभावित बनेको हो ।
तीन दिन देखि एआरटी सेवा बन्द भएपछि एड्स भएकाहरुले बाचुञ्जेल खानुपर्ने एन्टीरेट्रो भाईरल (एआरभी) औषधी पाउनबाट बञ्चित भएका छन् । बर्दियाको बढैयाताल गाउँपालिकाबाट एआरभी औषधी लिन आएका एक एचआईभी एड्स संक्रमितले एआरटी बन्द देखेपछि औषधी नलिई फर्किएको बताउनुभयो ।
जिल्ला अस्पताल बर्दियाका डाक्टर विजय उपाध्यायले स्वास्थ्यकर्मीको अभावमा सेवा प्रदानमा समस्या भएको स्वीकार गर्दै भन्नुभयो, ‘हामी ६ जना डाक्टरहरु छौं । अहेव, एचए लगायतका स्वास्थ्यकर्मीहरु निर्वाचनमा खटिएका छन् । यतिबेला आलोपालो स्वास्थ्यसेवा दिईरहेका छौं ।’
प्रतिक्रिया दिनुहोस !
