अफगानिस्तान : तालीवानीको आक्रमणमा परी अफगानिस्तानको उत्तरी बल्ख प्रदेशमा सरकार समर्थक १३ जना लडाकु मारिएका छन् । तालिबानको विद्युतीय धरापमा परी उनीहरु मारिएको प्रदेश सरकारका प्रवक्ताले आइतबार जानकारी दिनुभएको छ ।
‘तलिबान बन्दुकधारीले शनिबार अबेर चिम्ताल जिल्लाको दुर्गम गाँउ मस्जेड इ सफाडमा सरकार समर्थक लडाकूलाई आक्रमण गरेका र उनीहरुको आक्रमणमा परी १३ जनाको मृत्यु भएको छ,” प्रवक्ता फर्हाद मुनिरले भन्नुभयो ।
यस आक्रमणको तालिबान लडाकूहरुले जिम्मेबारी लिएका छन् । त्यसैगरी अर्को एक समाचारअनुसार अफगानिस्तानकै उत्तरी क्षेत्रमा पर्ने जावजान प्रान्तमा तालिबान लडाकूप्रति केही नरम रहेको भनिएको इस्लामिक स्टेटले तालिबान समूहका १० जना लडाकूको शिर छेदन गरिदिएको छ ।
स्थानीय डेलि विसा नामक पत्रिकाले आइतबार प्रकाशन गरे अनुसार आइएस लडाकूले डार्जाव जिल्लाको अक्बालाक गाँउलाई बुधबार नियन्त्रणमा लिएर १० जना तालिबान लडाकूलाई अपहरण गरेका थिए ।
प्रतिक्रिया दिनुहोस !
