नानिङ (चीन) : चीनको दक्षिणी क्षेत्रमा रहेको गुआङ्सी झुआङ स्वायत्त प्रदेशमा विशाल बर्षापछि आएको बाढीका कारण कम्तिमा १६ जनाको मृत्यु भएको छ भने १० जना वेपत्ता भएका स्थानीय अधिकारीले जनाएका छन् ।
व्यापक वर्षापछि गत शनिबार यता गुआङ्सी प्रदेशका कम उचाइमा रहेका वस्ती तथा शहरहरू जलमग्न भएका थिए । जसका कारण सोमबारसम्म ९१ हजार ६०० वासिन्दालाई सुरक्षित स्थलमा सारिएको क्षेत्रीय नागरिक मामिला विभागले जनाएको छ ।
बर्षाले करिब १० लाख पाँच हजार जनतालाई प्रभावित तुल्याएको छ भने ४२ करोड ८० लाख अमेरिकी डलर बराबरको आर्थिक क्षति पुरयाएको बताइएको छ । बर्षाका कारण ६०० परिवार पूर्णरूपमा विस्थापित भएका छन् भने छ हजार ५०० घरमा आंशिक क्षति पुरयाएको विभागले जनाएको छ ।
आइतबार चिनियाँ बाढी व्यवस्थापन अधिकारीले यहाँका ६० भन्दा बढी नदीमा पानीको तह खतराका अवस्थामा पुगेको बताएका थिए । रासस÷ सिन्ह्वा
प्रतिक्रिया दिनुहोस !
