थन्किए सरकारी एम्बुलेन्स
बर्दिबास : महोत्तरीको बर्दिबास र सम्सी अस्पतालका तीन एम्बुलेन्स लामो समयदेखि थन्किएका छन् । बिग्रिएपछि मर्मतसम्भारमा ध्यान नदिँदा एम्बुलेन्स अहिले कवाडीमा परिणत भएका छन् ।
मर्मतसम्भारको अभावमा बर्दिबास सरकारी अस्पतालका एम्बुलेन्स एक वर्षदेखि अस्पताल परिसरमा बेवारिसे छन् । अस्पतालको ज १ झ ३६० नम्बरको एम्बुलेन्स बिग्रिए पनि मर्मत गराउन नसकिएको बर्दिबास सरकारी अस्पतालमा मेडिकल सुपरिटेन्डेन्ट विधानचन्द्र झाले बताए ।
बर्दिबास सरकारी अस्पतालको पाकिस्तान सरकारले उपहारस्वरूप दिएको ना १ झ ९४८ नम्बरको एम्बुलेन्सले पनि मर्मतसम्भारको अभावमा गाउँभन्दा बाहिर सेवा दिन सकेको छैन ।
मर्मतसम्भार नहुँदा एम्बुलेन्सले बिरामीलाई गन्तव्यमा पु¥याएर बचाउलान् भन्ने प्रश्न उब्जिएको बर्दिबासका महेश झाको प्रश्न छ । प्राथमिक स्वास्थ्य चौकी सम्सीको ज १ च ६२६ र ज १ झ ३५९ नम्बरको एम्बुलेन्स पनि बिग्रिएको छ । मर्मतसम्भार अभावमा दुवै एम्बुलेन्स कवाडीमा परिणत भएका छन्।
मर्मतसम्भारको अभावमा बर्दिबास सरकारी अस्पतालका एम्बुलेन्स एक वर्षदेखि अस्पताल परिसरमा बेवारिसे छन् ।
एम्बुलेन्स मर्मतका लागि प्रयासरत रहे तापनि रकमको व्यवस्था नहुँदा समस्या भएको स्वास्थ्य चौकी सम्सीका इन्चार्ज शिवकैलाश साहले बताए । जिल्ला प्रशासन कार्यालय तथा जिल्ला जनस्वास्थ्य कार्यालयमा गुहार गर्दा समेत कहीँकतैबाट मर्मतका लागि पहल हुन नसकेको इन्चार्ज साहले गुनासो गरे ।
अस्पतालमा एम्बुलेन्स नभएपछि इमर्जेन्सी भएका बिरामीले गाउँबाट आफैले ल्याएको जिपमार्फत उपचारका लागि बाहिर लाने गर्छन् । हुनेखानेले जसोतसो सुविधासम्पन्न अस्पतालमा उपचार गराए तापनि गरिब तथा विपन्न परिवारको उपचारका लागि समस्याको पहाड नै हुने गरेको स्थानीयको भनाइ छ ।
प्रतिक्रिया दिनुहोस !
