ट्रिपरको ठक्करबाट १ को मृत्यु, ३ घाइते
नौविसे (धादिङ): त्रिभुवन राजपथ अन्तरगत धादिङको धुनीबेसी नगरपालिका वडा नं ९ खत्रीपौवामा ट्रिपरले ठक्कर दिदाँ एक जनाको मृत्यु भएको छ भने अन्य तीन जना घाइते भएका छन्।
नौविसेबाट काठमाडौंतर्फ जाँदै गरेको ना ४ ख ३१०५ नम्बरको ट्रिपरले सोमबार बिहान घर नजिक बसिरहेका चारजना स्थानीहरुलाई ठक्कर दिएको खानीखोला प्रहरीले जनाएको छ।
दुर्घटनामा घाईते भएका धुनीबेसी नगरपालिका वडा नम्बर ९ का १८ वर्षका अजय तामाङको उपचारका क्रममा मृत्यु भएको हो। घाईते विवेक तामाङ, सुमन लामा र राजकुमार लामाको काठमाण्डौ स्थित स्टार अस्पताल र ट्रमा सेन्टरमा उपचार भइरहेको छ।
दुर्घटनापछि चालक र ट्रिपरलाई नियन्त्रणमा लिई घटनाको विषयमा थप अनुसन्धान भइरहेको इलाका प्रहरी कार्यलय खानीखोलाले जानकारी दिएको छ।
प्रतिक्रिया दिनुहोस !
