भारतीय सुमोले ठक्कर दिँदा सात घाइते
राजविराज: सप्तरीको शम्भुनाथ नगरपालिका-८ स्थित पूर्व-पश्चिम राजमार्गमा बिहीबार भारतीय सुमो दुर्घटना हुँदा सात जना घाइते भएका छन्।
पूर्वबाट पश्चिमतर्फ जाँदै गरेको डब्लु बी ७४ एस-८१९४ नम्बरको सुमोले साईकललाई ठक्कर दिएर अनियन्त्रित भई दुर्घटना भएको थियो।
दुर्घटनामा साईकलयात्री शम्भुनाथ नगरपालिका ८ बस्ने अन्दाजी १४ बर्षीय सृजना चौधरी र सुमोमा सवार छ जना घाइते भएका छन्।
घाइते हुनेहरुमा सुमोमा सवार झापा अर्जुनधारा ८ बस्ने ५० बर्षीय धनन्जय चक्रवर्ती, भारत जलपाईगुडी बस्ने २२ बर्षीय दिपन्जन दास, भारत कलकत्ता बस्ने २१ बर्षीय दिपेन्द्र पार्की, २९ बर्षीय सुवा बारुई, सुमोका चालक भारत अछाम बस्ने २७ बर्षीय सागर घोष र सोही ठाउँका २८ बर्षीय सागर मुगोस रहेका छन्।
घाइते सबैलाई उपचारका लागि न्युरो अस्पताल विराटनगर लगिएको इलाका प्रहरी कार्यालय कल्याणपुरले जनाएको छ।
प्रतिक्रिया दिनुहोस !
