‘सडकमा कुर्लने सरकारमा गएर माखो नमार्ने एमाले’

चरीकोट : पूर्व परराष्टमन्त्री एवंम नेपाली काँग्रेसका केन्द्रिय सदस्य डाक्टर प्रकाशशरण महतले सडकमा कुर्लेर मात्र राष्ट्रवादी नभइने बताएका छन् । सडकमा चर्का कुरा गर्ने अनि सरकारमा गएपछि माख्खो नमार्ने एमालेको प्रचारबादी प्रवित्तिले देश संकटमा गएको आरोप उनले लगाएका छन् ।

नेपाली काँग्रेस जिल्ला कार्यसमिति दोलखाको आयोजनामा १०४ औ विपि जयन्तीको अवसरमा सदरमुकाम चरीकोटमा आयोजित कार्यक्रममा सम्बोधन गर्दै काँग्रेस नेता महतले काँग्रेसले गरेको कामहरुलाई प्रचार प्रसार गर्न नसक्दा पछि परेको बताए । उनले एमाले र माओवादीले थोरै काम गर्ने तर धेरै प्रचार गर्ने गरेको बताउदै धेरै काम गरेर पनि काँग्रेस पछि परिरहेको बताए ।

 
बृद्धा भत्ता काँग्रेसको सरकारले पनि बढाएको भएपनि चर्चा नभएको र एमालेको सरकारले बाढ्दा धेरै चर्चा भएर जनता भ्रममा परेको बताउदै उनले यस्ता भ्रमलाई चिर्न कार्यकर्ताहरुलाई गाउँअभियानमा लाग्न निर्देशन दिएका छन् । एक अर्को पसंगमा बोल्दै पूर्व मन्त्रि महतले दुई नम्वर प्रदेशमा काँग्रेस पहिलो पार्टी बन्ने बताउदै प्रदेश र संघको निर्वाचनमा पनि बहुमतको साथ देशकै ठुलो पार्टि बन्ने बताए ।
यसैगरी साँसद तिर्थ लामाले काँग्रेसकै नेतृत्वमा संविधान जारी भएको,स्थानीय तहको निर्वाचन भएको ,प्रदेश र सँघको निर्वाचनको पनि मिति निश्चित भइसकेको बताउदै देशको विकास चाहनेहरुले काँग्रेसलाई जिताउने बताए ।
यस्तै नेपाल विद्यार्थी सघंका महामन्त्री कुन्दनराज काफ्लेले विपिको विचार र सिद्धान्तलाई आत्मासाथ गर्ने हो भने काँग्रेसले कहिले नहार्ने बताउदै आफै भित्रका आत्माघातिहरुको कारण सधै दोलखामा हार्नुपरेको बताए । मंसिरमा हुने प्रदेश र संघको निर्वाचनलाई लक्षित गर्दै महामन्त्री काफ्लेले यो पटक तीन वटै सिट काँग्रेसको पोल्टामा पर्ने दावी गरे । गाउँ अनि सहरमा विद्यार्थी,युवाहरुलाई परिचालन गरी काँग्रेसको सिद्धान्तलाई विस्तार गरी देशको पहिलो पार्टि बनाउन आफुहरु लागि पर्ने प्रतिबद्धता जनाए ।