धनुषाका १८ मध्ये ५ तहको मतगणना जारी
जनकपुरधाम : धनुषाको १८ वटा स्थानीय तह मध्ये ५ वटामा मतगणना सुरु भएको छ । जनकपुर उपमहानगरपालिकामा सर्वदलीय बैठक राति नै बसेपनि हालसम्म मतगणना सुरु हुन सकेको छैन् । यता, गणेशमान चारनाथ नगरपालिका वडा नम्बर ११ मा माओवादी केन्द्रले खाता खोलेको छ । माओवादी केन्द्रका सत्यनारायण कुवर २०८ मत ल्याई प्यानल सहित विजयी भएका छन् ।
त्यस्तै काँग्रेसका वाडाध्यक्ष उम्मेदवार विन्देश्वर अमात्य १२९ मत ल्याई दोश्रो र संघीय समाजवादी फोरमका वाडाध्यक्ष उम्मेदवार जय कुमार यादव ९४ मत ल्याई तेश्रो स्थान हाँसिल गरेको छ । ११ नम्बर वाडामा ८ सय ३९ मतदाता रहेकोमा ६ सय ६२ मत खसेको थियो । त्यसैगरी औरही गाउँपालिका, क्षिरेश्वरनाथ नगरपालिका, जनकनन्दनी गापा सहितका स्थानमा मतगणना भईरहेको छ।
मतगणना स्थलबाट संचारकर्मीहरुलाई परिणामका विषयमा जानकारी दिन कुनै सम्पर्क कर्मचारीको व्यवस्था नगरिएको र निर्वाचन अधिकृतहरुले समेत फोन सम्पर्क गर्न खोज्दा फोननै नउठाउने गरेपछि मतपरिणामको विषयमा जानकारी लिन गाहे भएको छ ।
प्रतिक्रिया दिनुहोस !
