बारामा कांग्रेस पाँच, एमाले र राजपा दुई तहमा अगाडी

बारा: बाराको १६ स्थानीय तहमा सोमबार सम्पन्न निर्वाचनको मतगणनामा जारी छ। प्रारम्भिक मतपरिणाम अनुसार नेपाली कांग्रेस पाच तहमा अघि देखिएको छ भने एमाले र राजपाले दुई दुई तहमा अग्रता हासिल गरेका छन्।

निर्वाचन कार्यलयले सार्वजनिक गरेको पछिल्लो मतपरिणाम अनुसार कांग्रेस तीन नगरपालिका र दुई गाउपालिकामा अगाडी रहेको हो। कांग्रेसले अग्रता हासिल गरेको नगरपालिकामा कोल्हवी, सिम्रौनगढ र महागढीमाई रहेको छ।

कोल्हवीको प्रमुखमा कांग्रेसका उम्मेदवारले पाँच सय ३३ र एमाले उम्मेदवारले ३ सय ५६ ल्याएका छन्। सिम्रौनगढमा कांग्रेसका उम्मेदवार राजपा भन्दा सात मतले अघि छन्। कांग्रेस तीन सय ६८ मतसहित पहिलो र राजपा तीन सय ६१ मतका साथ दोस्रो स्थानमा छ । महागढीमईमा कांग्रेसले ६ सय ६३ र राजपाले ३ सय ५३ ल्याएको छ।

जीतपुरसिमरा उपमहानगरपालिकामा एमाले १००१ मतसहित अग्र स्थानमा रहेको छ। एमालेलाई माओबादीले सात सय दुई मतका साथमा पछ्याईरहेको छ । तेस्रो स्थानमा रहेको कांग्रेसको ६ सय ६७ मत रहेको छ।

पचरौता नगरपालिकामा राजपा सात सय ७० र एमाले ६ सय ८० मतसहित पहिलो र दोस्रो स्थानमा छन्। आदर्श कोतवाल गाउपालिकामा एमाले तीन सय मतसहित पहिलो र कांग्रेस एक सय ६४ मतसहित दोस्रो स्थानमा छन्। बारागढी गाउँपालिकामा कांग्रेस ५ सय ४९ मत ल्याएर कांग्रेस अग्र स्थानमा छ। कांग्रेसलाई चार सय ८२ मतका साथ संघीय समाजवादी फोरमले पछ्याइरहेको छ।

यसैगरी फेटा गाउँपालिकामा कांग्रेस २ सय ६४ मत ल्याएर अग्रतामा छ भने नेपाल लोकतान्त्रिक फोरम २ सय १४ मतका साथ दोस्रो स्थानमा छ। परवानीपुर गाउँपालिकमा राजपा एक सय ४९ र संघीय समाजवादी फोरम एक सय १० मतका साथ क्रमशः पहिलो र दोस्रो स्थानमा छन्।
बाराको कलैया उपमहानगरपालिकासहित अन्य स्थानीय तहमा मतगणना भइरहेपनि प्रारम्भिक परिणाम सार्वजनिक गरिएको छैन।

दुई वडामा एमाले बिजयी
बाराको पचरौता नगरपालिका वडा नम्बर १ मा नेकपा एमालेका उम्मेदवार जगतनारायण प्रसाद यादवको प्यानल बिजयी भएको छ। यादवले आठ सय १७ मत प्राप्त गर्दा राजपाका वडा अध्यक्षका उम्मेदवार ६ सय ४० मत प्राप्त गरे।

यसैगरी जीतपुरसिमरा उपमहानगरपालिका वडा नम्बर २४ मा एमालेका उम्मेदवार ईलिहाज देवानको प्यानल बिजयी भएको छ। देवान निर्वाचित भएसंगै एमालेका कायकर्ताले बिजयी जुलुस निकाल्न थालेका छन्।