लालबन्दी, हरिवनमा एमाले अगाडी, मलंगवामा कांग्रेसको अग्रता
मलंगवा : सर्लाहीको लालबन्दी र हरिवन नगरपालिकामा नेकपा एमाले अगाडी रहेको छ । ताजा मतपरिणाम अनुसार लालबन्दीमा एमाले प्रमुख मानवहादुर खड्का ८ सय २४ मतका साथ अग्रस्थानमा रहेका छन् । खडकालाई माओवादी केन्द्रका इन्द्र योन्जनले ४ सय ६४ मत ल्याएर पछ्याइरहेका छन् । नेपाली कांग्रेसका कुबेर आचार्य ४ सय ४२ मतका साथ तेश्रो स्थानमा रहेका छन् । उपप्रमुखमा एमालेको ७ सय ७, माओवादीको ४ सय ९२ र कांग्रेसको ३ सय ६६ मत रहेको छ ।
हरिवन नगरपालिकामा एमालेका गणेश प्रसाई ९ सय ५१ मतका साथ अगाडी रहेका छन् । प्रसाईलाई माओवादीका कमल बुढाथोकीले ८ सय ३३ मत ल्याएर पछयाईरहेका छन् । नेपाली कांग्रेसका दिलिपराज भण्डारीको ४ सय ५७ मत रहेको छ । उपप्रमुखमा एमालेको ९ सय ४०, माओवादीको ८ सय ३३ र कांग्रेसको ४ सय ५३ रहेको छ ।
मलंगवा नगरपालिकामा नेपाली कांग्रेसका निरसल साह ५ सय ३ मतका साथ अग्रस्थानमा रहेका छन् । साहलाई स्वतन्त्र उम्मेदवार नागेन्द्र प्रसाद यादवले ३ सय ४ मतका साथ पछ्याइरहेका छन् । राजपाको नागेश्वर राय २ सय ५८ मतका साथ तेस्रो स्थानमा छन् ।