रौतहटका ८ तहको नतिजा सार्वजनिक
रौतहट : रौतहटको १८ स्थानीय तह मध्ये शुक्रवार बिहानसम्म ८ वटा तहको मतपरिणाम सार्वजनिक भएको छ । जसमध्ये काग्रेस-४, माओवादी-२, संघीय समाजवादी फोरम-१, नेपाल लोकतान्त्रिक फोरम-१ मा विजयी भएका छन् । नेपाली कांग्रेस चन्द्रपुर, गढीमाई, परोहा, फतुवा बिजयपुर नगरपालिकामा बिजय भएको छ ।
माऔवादी केन्द्र मौलापुर नगरपालिका र यमुनामाई गाउँपालिका, यस्तै नेपाल लोकतान्त्रिक फोरम ईसानाथ नगरपालिका र संघीय समाजबादी फोरम नेपालले देबाही गोनाहीमा विजय भएको छ । रौतहटको चन्द्रपुरको मेयरमा नेपाली कांग्रेसका उम्मेदवार रामचन्द्र चौधरी र उपमेयर एमालेकी रामरती चौधरी, फतुवा विजयपुरमा कांग्रेसका मेयरका उम्मेदवार गोपाल राय यादव, उपमेयर अमबेया खातुन विजयी भएका छन ।
गढीमार्ई नगरपालिकामा नेपाली कांग्रेसका श्याम बाबु यादव, उपमेयरमा सुभद्रा गुप्ता, परोहा नगरपालिकामा नेपाली कांग्रेसीका शेष वकिल र उपमेयरमा सुगान्धी देवी विजयी भएका छन ।
देबाहीगोनाही नगरपालिका संघीय समाजवादी फोरम नेपालका मेयरका उम्मेदवार धर्मेन्द्र पटेल र माओवादी केन्द्रका उपमेयर उम्मेदवार कौशिल्या देवी यादव बिजयी भएका छन । यमुनामाई गाउपालिकामा माओबादी केन्द्र अध्यक्षका उम्मेदवार श्र्रीप्रसाद मुखिया बीन र उपाध्यक्षमा गीता देवी साह विजयी भएका छन् ।
मौलापुर नगरपालिकाको मेयरमा माओबादी केन्द्रकी रीना कुमारी साह र उपमेयरमा गौरी शंकर प्रसाद विजयी भएका छन् । ईशानाथ नगरपालिको मेयरमा नेपाल लोकतान्त्रिक फोरमकासन्तोष मेहता र उपमेयरमा हुसनी आरा खातुन विजयी भएका छन । रौतहटका १६ नगर र २ गाउपालिका मध्ये एक गाउँपालिका र ७ नगरपालिकाको मत परिणाम सार्वजनिक भएको हो ।