प्रदेश २ मा नयाँ शक्तिले खाता खोल्यो
राजविराज : प्रदेश नम्बर २ मा सप्तरीमा एक गाउँपालिका जितेर नयाँशक्तिले खाता खोलेको छ । प्रसिद्ध शिक्तपीठ रहेको छिन्नमस्ता गाउँपालिकामा नयाँ शक्तिका सुर्यनारायण मण्डल २८०५ मत ल्याई अध्यक्ष पदमा विजयी भएका हुन् । उपाध्यक्ष भने राजपाका उषाकुमारी मण्डलले १७१० मत ल्याएर विजयी भइन् ।
यसैगरी शनिबार संघीय समाजवादी फोरमले तीन तथा काँग्रेस र राजपाले थप एक÷एक स्थानीय तह जितेर आफ्नो संख्या बढाएका छन् । सुरुङ्गा नगरपालिकामा एमालेलाई पराजित गर्दै अग्रता कायम राखेको काँग्रेसकै बराबरीमा फारेमले विजयी सख्या चार पुर्याएको छ । सुरुङ्गाको प्रमुखमा एमालेका रामनारायण चौधरीलाई पराजित गर्दै काँग्रेसका मुक्तिनाथ चौधरीले ५२७९ मत ल्याएर विजयी भए । यसअघि तीन गाउँपालिका जितेको काँग्रेसको नगरपालिकामा यो पहिलो जित हो ।
तिलाठी कोइलाडी गाउँपालिकामा काँग्रेसलाई पछि पार्दै राजपाका सतिशकुमार सिंहले २९८७ मत ल्याई अध्यक्षमा निर्वाचित भएका छन् । उपाध्यक्षमा २९९६ मत ल्याएकी राजपाकै सुचिताकुमारी यादव निर्वाचित भइन् । यो जितसँगै राजपाको विजयी संख्या तीन पुगेको छ ।
बलान बिहुल, महदेवा गाउँपालिका र बोदे बर्साइनमा जितेर फोरम नेपालले आफ्नो संख्या चार पुर्याएको छ । बलान बिहुलको अध्यक्षमा २२३८ मत ल्याएर दयानन्द गोइत र उपाध्यक्षमा राजपाकै रुबी गुप्ताले काँग्रेसलाई पछि पार्दै १८०२ मतका साथ बिजयी भइन् ।
भर्खरै घोषित परिणाम अनुसार महदेवा गाउँपालिकामा फोरमका दिपककुमार यादवले ३०९१ र ममताकुमारी यादवले २७४९ मत ल्याएर अध्यक्ष र उपाध्यक्षमा निर्वाचित भए । उनिहरुले अध्यक्षमा राजपाका सुनिलकुमार मण्डल र अर्चनाकुमारी यादवलाई परािजत गरे । मण्डलले २९१९ र अर्चनाकुमारी यादवले २५१२ मत ल्याए ।
बोदे बर्साइन नगरपालिकामा फोरमका आतेशकुमार सिंह यादवले ४५४७ मत ल्याई प्रमुखमा र रन्जुकुमारी साह तेलीले ३७३१ मत ल्याई उपप्रमुखमा विजयी भए । १३ वटा स्थानीय तहको परिणाम घोषणा भएको सप्तरीमा राजविराज नगरपालिकाबाहेक कञ्चनरुप, शम्भुनाथ, खडक र हनुमाननगर कंकालिनी नगरपालिकाको आइतबार सम्म मतगणना सकिने मुख्य निर्वाचन अधिकृत शारदाप्रसाद कोइरालाले जनाएका छन् ।
१६ वटा वडामध्ये वडा नम्बर १ को मात्र जारी रहेको राजविराज नगरपालिकामा राति ११ बजेदेखि स्थगित मतगणना सहमति हुन नसक्दा सुरु हुन सकेको छैन् । पहिले घोषित मतपरिणाम भन्दा पछि घोषणा भएको परिणाम कम भएको भन्दै प्रतिनिधिहरुले आपत्ति प्रकट गरेपछि मतगणना स्थगित भएको हो ।
बिजयी
नेपाली काँग्रेस
१. विष्णुपुर गाउँपालिका अध्यक्ष÷उपाध्यक्ष - २१२४÷२०१८
२. बेल्ही चपेना गाउँपालिका अध्यक्ष÷उपाध्यक्ष - ३४४५÷३४५५
३. अग्नीसाइर कृष्णसवरन गाउँपालिका अध्यक्ष÷उपाध्यक्ष - ३३९५÷२९४९
४. सुरुङ्गा नगरपालिका प्रमुख÷उपप्रमुख - ५२७८÷५०३६
राजपा, नेपाल
१. डाकनेश्वरी नगरपालिका- प्रमुख÷उपप्रमुख - ३८८०÷३८५६
२. रुपनी गाउँपालिका अध्यक्ष÷उपाध्यक्ष -४०६८÷३९३६
३. तिलाठी कोइलाडी गाउँपालिका अध्यक्ष÷उपाध्यक्ष २९८७÷२९९६
छिन्नमस्ता गाउँपालिका उपाध्यक्ष मात्र-२८०५
संघीय समाजवादी फोरम
१. तिरहुत गाउँपालिका अध्यक्ष÷उपाध्यक्ष -२९४२÷२७४०
२. बलान बिहुल गाउँपालिका अध्यक्ष÷उपाध्यक्ष - २२३८÷१८०२
३. बोदे बर्साइन नगरपालिका प्रमुख÷उपप्रमुख - ४५४७÷३७३१
४. महदेवा गाउँपालिका अध्यक्ष÷उपाध्यक्ष -३०९१÷२७४९
नेकपा (एमाले)
१. सप्तकोशी नगरपालिका प्रमुख÷उपप्रमुख -३०३९÷३२०७
नयाँ शक्ति
१. छिन्नमस्ता गाउँपालिका अध्यक्ष-२८०५