ट्याक्टरले किचेर बालिकाको मृत्यु
प्यूठान: ट्याक्टरको ट्रलीले किचेर प्यूठानमा एक बालिकाको मृत्यु भएको छ। प्यूठान नगरपालिका–७ बाग्दुलामा घर निर्माणका लागि बालुवा लिएर आउँदै गरेको ट्याक्टरले किचेर गौमुखी गाउँपालिका अर्खा निवासी आठ वर्षीया सविना रानाको मृत्यु भएको प्रहरीले जनाएको छ।
बाटोमा खेल्दै गरेकी रानालाई १ त १३२३ नम्वरको ट्याक्टरको ट्रलीले किचेर ज्यान गएको जिल्ला प्रहरी कार्यालय प्यूठानका प्रहरी नायव उपरीक्षक राजेन्द्र पोख्रेलले जानकारी गराए। ट्याक्टर र चालकलाई नियन्त्रणमा लिइएको उनले बताए।
घटनाको थप अनुसन्धान जारी राखिएकोसमेत पोख्रेलले बताए। मृतक रानाका बुवाआमाले लामो समयदेखि बाग्दुलामा होटल व्यवसाय सञ्चालन गर्दै आइरहेका छन्।
प्रतिक्रिया दिनुहोस !
