२५ फन्को घुमेपछि कतार एयरवेजको जहाज डाइभर्ट
काठमाडौँः भिजिबिलिटी कम भएपछि कतार एयरवेजको जहाज २५ फन्को लगाएर डाइभर्ट भएको छ । त्रिभुवन विमानस्थलमा बिहान पौने ११ बजे अवतरण गर्ने गरी दोहाबाट आएको क्युआर६५२ कलसाइनको जहाज कोलकातास्थित नेताजी सुवास चन्द्र बोस अन्तर्राष्ट्रिय एयरपोर्टमा डाइभर्ट भएको हो ।
त्यसैगरी बैंककबाट आएको थाइ एअरवेजको टीजी३१९ कलसाइन जहाज पनि अहिले आकाशमै होल्ड भएको छ । त्रिभुवन विमानस्थल अन्तर्राष्ट्रिय टर्मिनलका एक ड्युटी अधिकृतले दिएको जानकारी अनुसार त्रिभुवन विमानस्थलको भिजिबिलिटी कम हुँदा जहाज डाईभर्ट भएका हुन् ।
पढ्नुस्: कतार एअरवेजको जहाज डेढ घण्टादेखि आकाशमै होल्ड
ती अधिकृतका अनुसार बिहानदेखि अहिलेसम्म ६ वटा जहाज डाइभर्ट भइसकेका छन् । एयर चाइनका दुई, जेट एअरवेजको एउटा, ड्रुक एअरवेजको एउटा उडान डाइभर्ट भएको छ ।
अन्तर्राष्ट्रिय उडानका लागि साधरणतया ३ हजार मिटर भिजिबिलिटी चाहिन्छ । अहिले काठमाडौँको आकाशमा २ हजार मिटर मात्रै भिजिबिलिटी रहेको छ ।
पढ्नुस्: देशभर मौसम बदली : हिमपात र वर्षाको सम्भावना