काठमाडौँः नेकपा माओवादी केन्द्रबाट नेता रामबहादुर थापा बादलले ओली सरकारको नेतृत्व गर्ने भएका छन् । नेता बादलले गृहमन्त्रीसहित ओली सरकारमा माओवादीको नेतृत्व गरेका छन् ।
गृहमन्त्रीका लागि अर्का नेता बर्षमान पुनले चर्को लविङ गरे पनि बादल नै गृहमा जाने पक्का भएको हो । गृहका लागि बादल, पुन र जनार्दन शर्माले पार्टीमा तीब्र लविङ गरेका थिए ।
माओवादी केन्द्रका एक नेताका अनुसार सोमबार भएको भेटमा माओवादी केन्द्रका अध्यक्ष पुष्पकमल दाहाल प्रचण्डले सरकारमा जाने मन्त्रीको सुची बुझाइसकेका छन् ।
जसअनुसार ओली सरकारमा माओवादी केन्द्रबाट रामबहादुर थापा बादल, बर्षमान पुन, जनार्दन शर्मा, गिरिराजमणि पोखरेल, शक्ति बस्नेत, मातृका यादव र बिना मगर मन्त्री बनेका हुन् ।
तर यो पटक पनि ओली मन्त्रिपरिषद्ले पूर्णता नपाउने भएको छ । माओवादीबाट केही र एमालेबाट केही मन्त्रीले मात्रै सपथ लिएका छन् ।
संघीय समाजवादी फोरम पनि सरकारमा जान सहमत भएपछि परराष्ट्रसहितका केही मन्त्रालय खाली राखेर आज एमाले र माओवादीबाट मन्त्री हुनेहरुलाई सपथ खुवाइएको हो ।
प्रतिक्रिया दिनुहोस !
