मोटरसाइकल दुर्घटनामा एकको मृत्यु
दमक : झापाको दमकमा मोटरसाइकल दुर्घटनामा परी एक युवकको मृत्यु भएको छ । मोटरसाइकलमा सवार अर्का एक जना घाइते भएका छन् ।
दमक नगरपालिका ३ आमचौकमा बिहिबार राति ९ बजेतिर बा ४४ प ७५०१ नम्बरको मोटरसाइकल अनियन्त्रित भई दुर्घटना हुँदा मोटरसाइकलमा सवार एक युवकको उपचारका लागि लैजाने क्रममा बाटोमै मृत्यु भएको हो ।
मृतक र घाइते दुबैको पहिचान खुल्न नसकेको इलाका प्रहरी कार्यालय दमकले जनाएको छ । उनीहरु अन्दाजी २०÷२२ वर्षका रहेका छन् । घाइते युवकको लाईफ र्लान अस्पताल दमकमा उपचार भइरहेको छ ।
प्रतिक्रिया दिनुहोस !
