काठमाडौ : परराष्ट्र मन्त्रालयका सचिव शंकरदास वैरागीले रातो प्लेट हटाएर सेतो प्लेटको गाडी चढ्न थालेका छन् ।
विभिन्न सञ्चार माध्यममा सचिवहरुले नै रातो प्लेट प्रयोग गरी सरकारी गाडीको व्यापक दुरुपयोग गर्न थालेको समाचार आएपछि परराष्ट्र मन्त्रालयका सचिव वैरागीले सेतो प्लेटको गाडी चढ्न थालेका हुन् ।
सरकारले सचिवहरुका लागि रातो प्लेटको गाडी चढ्न छुट दिएपनि आफूले सेतो प्लेटकै गाडी चढिरहेको सचिव वैरागीले जानकारी दिए । सचिव वैरागीले आफूले रातो प्लेट बनाउन गृह मन्त्रालयमा कहिल्यै पनि कुनै दवाव नदिएको बताए । सचिव वैरागीले हाल बा २ झ २०७७ नम्वरको सरकारी सेतो प्लेटको गाडी प्रयोग गर्न थालेका छन् ।
सरकारी कर्मचारीहरुले राज्यले दिएको सेतो प्लेटकै प्रयोग गर्नुपर्ने सिद्धान्त प्रति आफू कटिवद्ध रही सेतो प्लेटको गाडी चढ्न थालेको उनले अन्नपुर्णलाई जानकारी दिए । परराष्ट्र सचिव वैरागीले सेतो प्लेटको गाडी चड्न थालेपनि सरकारका अन्य अधिकांश सचिवहरुले भने रातो प्लेटकै गाडी प्रयोग गर्दै सरकारी गाडीको व्यापक दुरुपयोग गर्दै आइरहेका छन् ।
प्रतिक्रिया दिनुहोस !
