नक्कली स्टिकरसहित ५ पक्राउ

नक्कली स्टिकरसहित ५ पक्राउ

भैरहवा : मदिरामा लगाइने अन्तशुल्कका आन्तरिक राजश्व विभागको करिब ४ लाख नक्कली स्टिकर सहित ५ जना पक्राउ परेका छन् । पक्राउ पर्नेहरुमा ३ जना नेपाली र २ जना भारतीय नागरिक रहेका छन् ।

नक्कली स्टिकरसहित रुपन्देहीको सीमावर्ती भारत नौतनवाका ३२ वर्षीय मेल्मुद्दगद्दी मुसलमान, भारत महाराजगंजका १८ वर्षीय समसुद्दिन मुसलमान, रुपन्देहीको सिद्धार्थनगर नगरपालिका १ का ४२ वर्षीय विनोद सिंह, धनुषाको मिथिला नपा ८ का कामेश्वर महतो र भवानीप्रसाद उप्रेती रहेका छन् ।

पक्राउ परेका मेल्मुद्दगद्दी, समसुद्दिन र विनोद सिंहले युपी ४३ ए इ १६८२ नम्बरको कारमा भारतबाट अवैधरुपमा नक्कली स्टिकर ल्याउँदै गर्दा उनीहरुलाई जिल्लाको रोहिणी गापा ४ धकधई क्षेत्रबाट पक्राउ गरिएको जिल्ला प्रहरी कार्यालय रुपन्देहीका प्रहरी नायब उपरीक्षक एवं प्रवक्ता डिल्ली नारयण पाण्डेले जानकारी दिए ।

उनीहरुको साथबाट ५० यूपी ११८० एमएल आन्तिरक राजश्व विभाग liquor लेखेको ३ लाख ९९ हजार ८ सय ४० थान नक्कली स्टिकर बरामद भएको उनले बताए ।

सोधपुछको क्रममा पक्राउ परेकाहरुले उक्त नक्कली स्टिकर धनुषाको मिथिला नपा ८ स्थित सांग्रिला डिष्टीलरी लैजानको थालेको खुलेपछि धनुषाबाट डिष्टीलरीका प्रोडक्सन प्रमुख कामेश्वर महतो र डिष्टीलरीका व्यवस्थापक भवानीप्रसाद उप्रेतीलाई पक्राउ गरिएको डिएसपी पाण्डेले बताए । डिष्टीलरीका संचालक धनुषा जनकपुर उपनपा ९ का कुशेश्वर प्रसाद शाह फरार रहेका छन् ।

पक्राउ परेका उपर सरकारी किर्ते दस्तखत अन्‍तर्गत जिल्ला अदालत रुपन्देहीमा मुद्दा दायर गरी अनुसन्धान भइरहेको जिल्ला प्रहरी कार्यालय रुपन्देहीले जनाएको छ ।

 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.