पूर्वसांसद पासवान पक्राउ
विराटनगर : पूर्व सांसद बाबुलाल पासवान पक्राउ परेका छन् । पासवानलाई मोरङ प्रहरीले मंगलबार विराटनगरबाट पक्राउ गरेको एसपी अरुणकुमार बिसीले जानकारी दिए ।
नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीले आह्वान गरेको बन्दको विषयमा बुझ्न भन्दै उनलाई पक्राउ गरिएको जनाइए पनि प्रहरीले यस विषयमा थप खुलाएको छैन । एसपी बिसीले भने, ‘पूर्वसांसद पक्राउ पर्नु भएको हो । थप अनुसन्धान गर्दैछौं ।’
सोमबार साँझ विराटनगरमा रहेको भारतीय दूतावासको सम्पर्क कार्यालयमा बम विस्फोट भएको थियो । यसैगरी पूर्वपश्चिम राजमार्गको गछिया सडक खण्डमा शंकास्पद वस्तु फेला परेको थियो । दुबै घटनापछि प्रहरीले मोरङमा सुरक्षा सतर्कता बढाएको छ ।
‘सुरक्षाको सम्पूर्ण व्यवस्था प्रदेश सरकारले मिलाउनु पर्छ’, उनले भने । गत चैत २५ राति धर्मगुरु श्रीनिवासमाथि विराटनगरमा गोली लागेको थियो । सांसदले यो घटनाको समेत छानबिन गरेर दोषीलाई कारबाही गर्न माग गरेका छन् ।
सांसदले उठाएको जिज्ञासाको जवाफ दिंदै आन्तरिक मामिला तथा कानुन मन्त्री हिक्मत कार्कीले श्रीनिवासथि गोली प्रहार गरेको घटनामा पाँचजना पक्राउ परेको र थप अनुसन्धान भई रहेको बताए । उनले दूतावासमा भएको घटनाबारे प्रहरीले अनुसन्धान गरिरहेको सदनलाई जानकारी गराए ।
संघीय फोरमका सांसद जयराम यादवले दूतावास परिसरमा बम विस्फोट हुँदा कूटनीतिक रुपमा राम्रो सन्देश नजाने बरु देशको बद्नामी हुने भन्दै कारबाहीका लागि माग गरे ।
प्रतिक्रिया दिनुहोस !
