बिर्तामोडः नेत्रविक्रम चन्द्र ‘विप्लव’ नेतृत्वको नेपाल कम्युनिस्ट पार्टीले झापाका निजी विद्यालयलाई जनपरिषद्मा दर्ता गर्न उर्दीसहितको पत्र काट्न थालेको छ ।
नेपाल कम्युनिस्ट पार्टीको समानन्तर सरकार जनपरिषद् नेपाल नाममा यो पार्टीले प्याब्सनमा आबद्ध विद्यालयलाई पत्रचार गरेको हो ।
शुक्रबार जिल्ला प्याब्सन झापाका अध्यक्ष कोषराज प्याकुरेलललाई समेत पत्र पठाउँदै झापाका निजी विद्यालयहरुको विवरणसहित १५ दिन भित्र जनपरिषदको कार्यालयमा आउन भनिएको छ ।
पत्रमा लिम्बुवान स्वायत्त प्रदेशको झापा जिल्ला जनपरिषद् प्रमुख सुमनसिंह पौडेलले हस्ताक्षर गरेका छन् ।
पत्रमा यदि समयभित्र दर्ता नगरिएमा जनपरिषदको नियम बमोजिम हुने उल्लेख गरिएको छ । जनपरिषद्को नियम र कार्यालय रहेको स्थानबारे केही खुलाइएको छैन ।
प्रतिक्रिया दिनुहोस !
