प्रधानमन्त्रीले भने: सिन्डिकेट र घुसखोरीविरुद्ध तीनै सरकारको एउटा मोर्चा
बुटवल: प्रधानमन्त्री केपी शर्मा ओलीले आज प्रदेश नं ५ को प्रदेशसभालाई सम्बोधन गरेका छन् । प्रदेशसभामा पहिलो सम्बोधन गर्दै प्रधानमन्त्रीले सरकारले अबको ध्यान सुशासन, आर्थिक उन्नति र विकासमा लगाउनुपर्ने बताए ।
मावनअिधकार लोकतन्त्र र विधिको शासनका लागि आधा शताब्दी संघर्ष गरेको आफूले प्रदेशसभामा उपस्थित भएर सम्बोधन गर्न पाउँदा खुसी भएको बताए ।
प्रधानमन्त्रीले लोकतन्त्रको स्थापनाका लागि गरिएका आन्दोलनले केही समय देश पछाडि परेको बताउँदै देशलाई समृद्ध बनाउन कुनै कुरामा नअल्झिन आग्रह गरे ।
सरकार शासन गर्न मात्रै नभइ जनताको सेवामा गठन भएको बताउँदै प्रधानमन्त्रीले भ्रष्टाचार, अनियमितता र घुसखोरीविरुद्ध नागरिकको रक्षक भएर उभिन अपिल गरे ।
ओलीले सरकारले कुनैपनि अनुचित काममा सम्झौता नगर्ने पनि बताएका छन् । 'केही समूहको फाइदाका लागि हुने सिण्डिकेट, कार्टेलिङ, घुसखोरी र धम्काउदै बन्द हडताल गर्ने गतिविधिलाई निस्तेज पार्न तीनवटै सरकार लाग्नुपर्छ', उनले भने ।
गौतम बुद्धको जन्मस्थल लुम्बिनी भएकाले प्रदेश ५ मा निकै ठूला अवसर आएका ओलीले बताएका छन् ।
प्रतिक्रिया दिनुहोस !
