मेडिकल सञ्चालकको लापरबाहीले बिरामीको मृत्यु, तुलसीपुरमा तनाव
वैशाख १९, २०७५ बुधबार १९:२१:०
तुलसीपुर : दाङमा सामान्य विरामी भएर उपचारका लागि मेडिकल गएकी एक जना महिलाको मृत्यु भएको छ । दाङको तुलसीपुरमा रहेको ज्योती मेडिकल क्लीनिकको लापरवाहीका कारण तुलसीपुर उपमहानगरपालिका वडा नं. ७ का ४० वर्षीया प्रेमा कुमालको मृत्यु भएको हो ।
सामान्य अवस्थामा मेडिकल आएकी कुमालको मेडिकललले हाइडोज र गलत औषधि प्रयोग गरी मारेको आफन्तहरुले आरोप लगाएको छनु । उपचारमा मेडिकलको लापरवाहीले विरामीको ज्यान गएको मृतकका आफन्तले दाबी छ । कुमालको मृत्युपछि आफन्तहरु आन्दोलनमा उत्रिएका छन् ।
आन्दोलनका कारण ज्योति मेडिकल बन्द भएको छ । विरामी मरेपछि प्रहरीले मेडिकल सञ्चालक वाइवी धौलाकोटी र डा.प्रकाश नेपालीलाई नियन्त्रण लिएको छ ।
मेडिकलको लापरबाहीका कारण सासुको ज्यान गएको भन्दै उनले विरामीको ज्यान लिनेलाई कानुनी कारवाही हुनु पर्ने बताइन । मेडिकल सञ्चालक वाईवी धौलाकाटीले बिरामीको हर्टअट्याकका कारण मृत्यु भएको हुनसक्ने बताएका छन् ।
प्रतिक्रिया दिनुहोस !
