विराटनगर : विराटनगर- १ स्थित नहर चोकबाट प्रहरीले लागूऔषधसहित एकजनालाई पक्राउ गरेको छ। सवारी साधन चेकजाँचमा खटिएको प्रहरी टोलीले विराटनगर ४ का २९ वर्षीय विशाल सुवेदीलाई लागूऔषध सहित पक्राउ गरेको हो।
सुवेदीले चलाएको को १४ प ४८४३ नम्बरको मोटरसाइकलको सिटमुनीबाट लागूऔषध बरामद भएको इलाका प्रहरी कार्यालय रानीका प्रहरी निरीक्षक सन्तोश निरौलाले बताए।
उनको साथबाट तीन बोतल डाइजेल्याब डिसी बरामद भएको छ। प्रहरीले सुवेदीविरुद्ध लागूऔषध मुद्धा चलाउन बिहीबार म्याद थप गरेर अनुसन्धान अघि बढाएको छ।
प्रतिक्रिया दिनुहोस !
