एजेन्सी: भारतको तमिलनाडु राज्यस्थित तुतीकोरिन जिल्लामा वेदान्ता ग्रुपको कम्पनी स्टरलाइट कपरविरूद्ध हिंस्रक प्रदर्शनमा कम्तिमा ९ जना मारिएका छन् ।
यस घटनामा ४० जना भन्दा धेरै मानिस घाइते भएका छन् । जसमा पत्रकार र क्यामेरा पर्सन पनि परेका छन् । यहाँ केही महिनादेखि मानिसहरू उद्योगविरूद्ध प्रदर्शनरत थिए । उनीहरूले स्टरलाइट कारखानबाट गाउँमा प्रदूषण फैलिरहेको जनाएका थिए । मंगलवार यो विरोध प्रदर्शन हिंस्रक भएको हो ।
यस क्रममा आम सर्वसाधरण र पुलिसबीच झडप भएपछि पुलिसले गोली चलाउँदा नौ जना मारिएका हुन् । पुलिसका अनुसार प्रदर्शनकारीले पुलिसमाथि ढुंगा बर्साउन थालेपछि सुरूमा लाठीचार्ज गरिएको थियो । पुलिसका अनुसार अवस्था नियन्त्रण बाहिर गएपछि गोली हानिएको हो ।
स्थानीयबासीले यस उद्योगलार्इ बन्द गरिनुपर्ने माग गरिरहेका थिए । स्थानीयबासीले यस कारखानाबाट निस्केको फोहोरबाट प्रदूषण बढ्दा गम्भीर समस्याको संकट खडा भएको थियो ।
यस कम्पनीले हालै मात्र शहरमा अर्को शाखा पनि खोल्ने घोषणा गरेको थियो । विरोध प्रदर्शन चर्किएपछि यस तटीय सहरमा पुलिसको तैनाथी बढाइएको छ । छिमेकी जिल्ला मदुरई र विरुधुनगरबाट अतिरिक्त पुलिस बल झिकाइएको छ ।
स्टरलाइट कपर फ्याक्ट्रीमा के बन्छ ?
यहाँ पर धातु गलाइन्छ । यहाँ एक सालमै चार लाख टन तामाको तार बनाइन्छ । वेदान्ता ब्रिटेनको कम्पनी हो । यहाँ उसको सहायक कम्पनी छ । तुतीकोरिन जिल्लाको यस यूनिटमाथि प्रदूषणलार्इ लिएर गम्भीर आरोप लागेका छन् ।
प्रतिक्रिया दिनुहोस !
