फुङलिङ : ताप्लेजुङमा ३८ ग्राम ब्राउन सुगरसहित एक युवक पक्राउ परेका छन्। लुकाई छिपाई सदरमुकाम ल्याउँदै गरेको अवस्थामा पाथीभरा याङवरक गाउँपालिका–१ मेवाखाबाट फुङलिङ नगरपालिका–५ का ३० वर्षीय रोहित श्रेष्ठ पक्राउ परेका हुन्।
ब्राउन सुगर ओसार पसार भइरहेको सूचनाका आधारमा जिल्ला प्रहरी कार्यालयको टोलीले चेकजाँच गर्ने क्रममा श्रेष्ठको साथबाट ब्राउन सुगर फेला परेको प्रमुख डीएसपी ज्ञानेन्द्र बहादुर बस्नेतले जानकारी दिए।
मंगलबार पक्राउ परेका श्रेष्ठलाई बुधबार दिउँसो प्रहरी कार्यालयमा पत्रकार सम्मेलनमार्फत सार्वजनिक गर्ने बस्नेतले बताए।
प्रतिक्रिया दिनुहोस !
