गुलरिया : काठमांडौबाट डढेल्धुरातर्फ जाँदै गरेको बा ४ ख ८४९२ नम्बरको यात्रुबाहक बसमा एक्कासी आगलागी भएको छ । पूर्व–पश्चिम राजमार्ग अन्र्तगत बर्दियाको बाँसगढी नगरपालिका–३स्थित उत्तरभखारी भन्ने ठाउँमा बसको टायर घर्षणका कारण आगलागी भएको हो ।
शनिबार बिहान गुडिरहेको बसमा एक्कासी आगो लागेको जिल्ला प्रहरी कार्यालय बर्दियाका प्रहरी उपरीक्षक जनक भट्टराईले जानकारी दिए । आगलागीबाट कुनै मानीिय क्षति नभए पनि बसमा भने क्षति पुगेको प्रहरी उपरीक्षक भट्टराइले बताए ।
टायरको घर्षण धेरै भएकाले आगलागी हुन गएको प्रहरीको भनाइ छ । कोहलपुरबाट आएको दमकल, बाँसगढी प्रहरी लगायत स्थानीयको सहकार्यमा आगो नियन्त्रणमा आएको बताइएको छ ।
प्रतिक्रिया दिनुहोस !
