इलाम: इलाम सदरमुकाम नजिकै रहेको फाल्गुनन्द-सुकिलुम्बा बिमानस्थलमा पहिलो पटक जहाज बसेको छ । पहिलो परिक्षण उडान सफल भएपछि स्थानीय रमाएका छन् ।
सोमबार दिउँसो १२ बजे तारा एयरको जहाज सफल अवतरण गरेको हो । पहिलो परीक्षण उडान हेर्न इलामबासीहरु ठुलो संख्यामा विमानस्थलमा पुगेका थिए ।
सुकिलुम्बा विमानस्थलबाट भारतका दार्जीलिङ र सिक्किम केही किलोमिटरको दुरीमा पर्ने हुनाले त्यहाँका यात्रुलाई काठमाडौँ आउन जान अब सहज हुने छ ।
विमानस्थलको रनवे बनाइसकेपछि सोमवार तारा एयरको १८ सिटे विमानले परीक्षण उडान गरेको हो । यो विमानस्थलमा दैनिक उडान भएमा इलाम भित्रिने पर्यटकलाई सजिलो हुनेछ ।
करिब १२ वर्षअघिबाट निर्माण थालिएको विमानस्थलमा परीक्षण उडान सफल भएपछि जिल्लावासी खुसी भएका छन् ।
तत्कालीन एमालेका नेता झलनाथ खनाल प्रधानमन्त्री बनेको समयमा विमानस्थल बनाउन बजेट छुट्याइएको थियो । विमानस्थलको धावनमार्गमा ग्राभेल भएपछि जहाज बसेको हो ।
प्रतिक्रिया दिनुहोस !
