काठमाडौं : नेपाली कांग्रेसका नेता अर्जुननरसिंह केसीले न्यालयको गतिरोधलाई निकास दिन प्रधानन्यायाधीश चोलेन्द्र शम्शेर जबराविरुद्ध महाभियोग दर्ता गराएको बताएका छन् ।
केन्द्रीय कार्यालय सानेपामा पत्रकारहरुसँग कुरा गर्दै केसीले न्याय दिन नसक्ने अवस्था र आन्तरिक द्वन्द्वको अवस्थामा न्यायलयलाई समाधान दिन महाभियोग अघि बढाइएको बताए ।
उनले एमसीसी र महाभियोगको विषय नै फरक भएको बताए । 'एमसीसीको बहस डाइभर्ट गर्न महाभियोग आएको होइन । एमसीसी अर्कै हो । महाभियोग अर्कै हो । डाइभर्ट गर्न खोजेको होइन,' उनले भने, 'न्यायलयमा निकास निकाल्न जरुरी थियो । अब संसदमा गणीतीय कुरा आउने दिनमा टुंगो लाग्ला ।'
उनले एमसीसीबारे पार्टीमा औपचारिक छलफल नभए पनि ढिलै भए पनि महाभियोग आउनु सकारात्मक भएको बताए ।
प्रतिक्रिया दिनुहोस !
