दार्चुला: महाकाली नगरपालिका–६ का एक पुरुष गुड्दै गरेको जीपबाट महाकाली नदीमा हाम फालेर बेपत्ता भएका छन् । बेपत्ता हुनेमा महाकाली नगरपालिका–६ का मदन सिंह रैखोला रहेको जिल्ला प्रहरी कार्यालय दार्चुलाले जनाएको छ ।
प्रहरीका अनुसार रैखोलाले धापबाट दार्चुला सदरमुकाम खलंगातर्फ आउँदै गरेको म १ ज २१२ नम्बरको जीपबाट महाकाली नगरपालिका–५ किम्तडी डम्पिङ साइडको नजिकैबाट महाकाली नदीमा हाम फालेका हुन् ।
बान्ता गर्ने बाहानामा झ्याल खोल्न लगाएर उनले महाकालीमा हाम फालेको खुलेको छ । हाम फाल्नुको कारण भने एकीन भइसकेको छैन । घटनाबारे प्रहरीले अनुसन्धान भइरहेको जनाएको छ ।
प्रतिक्रिया दिनुहोस !
३
