हत्या आरोपमा श्रीमती, ससुरा र जेठान पक्राउ

हत्या आरोपमा श्रीमती, ससुरा र जेठान पक्राउ

राजविराज : ससुराली आएका एक युवकको हत्या आरोपमा सप्तरी प्रहरीले श्रीमती, ससुरा र जेठानलाई पक्राउ गरेको छ।

सप्तरीको हनुमाननगर कंकालिनी नगरपालिका ९ घर भइ राजविराज ५ मा डेरा गरी बस्ने ३० वर्षीय दिपेन्द्र मण्डलको हत्यामा संलग्न रहेको आरोपमा अनुसन्धानका लागि तीनजना पक्राउ परेको सप्तरीका प्रहरी प्रमुख एसपी मुकेशकुमार सिंहले जानकारी दिए। 

पक्राउ पर्नेमा मृतककी श्रीमती राजविराज ९ मलेठ बस्ने २२ वर्षीया अन्जना साह, ससुरा ४५ वर्षीय रामदयाल साह र जेठान २५ वर्षीय जयप्रकाश साह रहेका छन्।

अन्जना मृतक मण्डलकी कान्छी श्रीमती हुन्। राजविराज ९ मलेठस्थित माइती घरमा बस्दै आएकी अन्जनासँग भेटन पुगेका मण्डलको वादविवादका क्रममा कुटपिटका कारण गएराती मृत्यु भएको एसपी सिंहले जानकारी दिए।  मृतक मण्डल राजविराज ५ स्थित गणेश दासको घरमा डेरा गरी बस्थे। 

अत्यधिक मदिरा सेवन गरेका मण्डलको श्रीमतीसँग विवाद भएको र सोही क्रममा कुटपिटका कारण मृत्यु भएको प्रारम्भिक अनुसन्धानमा बुझिएको सप्तरी प्रहरीका प्रवक्ता डीएसपी भावेश रिमालले बताए। मृतकको अण्डकोषमा चोट लागेको बताइएको छ।

मृतक मण्डलको शवलाई राजविराजस्थित गजेन्द्रनारायण सिंह सगरमाथा अञ्चल अस्पतालमा पोस्टर्माटम गरिएको छ।  


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.