पारसले गरे गोरखकालीमा पूजा
गोरखा : गणतन्त्र घोषणापछि पहिलो पटक गोरखा आएका पूर्वयुवराज पारस शाहले गोरखा बसाइको दोस्रोदिन गोरखकाली र गोरखनाथको पूजा गरेका छन् । मंगलबार गोरखा आएका पारसले बुधबार बिहान साढे नौ बजेदेखि साढे १० बजेसम्म देवदेवीको विशेष पूजाआजा गरेका हुन् । गोरखकालीलाई शाह वंशको कुलदेवता मानिन्छ । शाह पूजा गर्न गोरखा दरबार बसपार्कबाट करिब २५ मिनेट हिँडेर मन्दिरसम्म पुगेका थिए ।
संग्रहालय अवलोकन गर्ने क्रममा उनले शाहवंशीय राजाको इतिहास र पुराना हातहतियारबारे चासो राखेका थिए । संग्रहालयमा राखिएका प्राचीन हतियारको बारेमा हेरचाह अड्डाका कर्मचारीलाई उनले सोधपुछ गरेका थिए । राप्रपाका कार्यकता र राजावादी भनेर चिनिएका युवाले उनलाई लक्ष्मीबजारदेखि मोटरसाइकल ¥याली गर्दैै गोरखा दरबार पु¥याएका थिए । दरबारका नगर्चीले बाजागाजाका साथ उनलाई स्वागत गरेका थिए । शाह बुधबार काठमाडौं फर्किए ।