काठमाडौं : आर्थिक मितव्ययिताको नारा दिँदै आएको प्रधानमन्त्री केपी ओली नेतृत्वको सरकारले असारमा आर्थिक सहायता, अतिथि सत्कार र विदेश भ्रमणमा नै करोडौं रुपैयाँ उडाएको छ । ओली सरकारले एकै दिन विभिन्न व्यक्ति र संस्थालाई १ करोडभन्दा बढी आर्थिक सहायतावापत बाँडेको छ । प्रधानमन्त्री ओलीको चीन भ्रमणमा १ करोड ५१ लाख रुपैयाँ खर्च भएको प्रधानमन्त्री तथा मन्त्रिपरिषद् कार्यालयले जनाएको छ ।
मन्त्रिपरिषद्ले एकै दिन गत असार २० मा आर्थिक सहायतावापत विभिन्न व्यक्तिलाई ६९ लाख रुपैयाँ दिने निर्णय गरेको स्रोतले बतायो । सोही दिनको निर्णयअनुसार भुटानी मानव अधिकारवादी नेता टेकनाथ रिजाललाई १० लाख, दमकका डा.भम्का राईलाई १० लाख, दमककै अमिषा बस्नेतलाई २० लाख, लक्ष्मीप्रसाद सुहाङलाई ३ लाख, झापाका देवीप्रसाद बराललाई ३ लाख, ताप्लेजुङका ताराहाङ लिम्बू ताप्लेजुङ ३ लाख, पूर्वसांसद डिलबहादुर नेपालीलाई ५ लाख, स्व.हरिशरण लामिछानेका हकदारलाई १० लाख, धरानका जुगल सुब्बालाई ५ लाख रुपैयाँ वितरण गरिएको प्रधानमन्त्री कार्यालयले जनाएको छ । ताप्लेजुङका रविन सुनुवार र अनुप खिम्दिङलाई जनही ३÷३ लाख रुपैयाँ वितरण गरिएको छ ।
सरकारले असार एक महिनामा सेल्टर आ श्रम काठमाडौंलाई २० लाख ५८ हजार रुपैयाँ आर्थिक सहायता वितरण गरेको छ भने अखिल नेपाल कवाडी संघलाई १५ लाख र विश्व प्रजातान्त्रिक युवा संघलाई २५ लाख रुपैयाँ दिने निर्णय गरेको थियो ।
द्वन्द्वपीडितका नाममा १ अर्ब ६६ करोड
सरकारले द्वन्द्वपीडितलाई भन्दै १ अर्ब ६६ करोड, ७२ लाख रुपैयाँ गृह मन्त्रालयलाई निकासा दिने निर्णय गरेको छ । द्वन्द्वपीडितलाई राहत भन्दै ठूलो रकम दिने निर्णय भए पनि द्वन्द्वपीडितको कुनै विवरण खुलाइएको छैन ।
प्रश्रितलगायतलाई भत्तास्वद्वप ४५ लाख
सरकारले तत्कालीन एमालेका पूर्वनेता तथा साहित्यकार मोदनाथ प्र िश्रतलगायत चार जनालाई आजीवन भत्ता भन्दै ४५ लाख २५ हजार दिने निर्णय गरेको छ । प्र िश्रतसहित नेपाल प्रज्ञा प्रतिष्ठानका प्राज्ञ डा.वासुदेव त्रिपाठी, निरञ्जन चापागाई र मञ्जु चापागाईलाई प्रतिष्ठानको आजीवन सदस्यता भत्ता शीर्षकमा रकम दिने निर्णय गरिएको हो ।
विदेश भ्रमणमा ४१ लाख
असारमा विभिन्न मन्त्री र अर्थ मन्त्रालयका कर्मचारीको विदेश भ्रमणमा नै ४१ लाख रुपैयाँ खर्च भएको छ । अर्थ मन्त्रालयका अनुसार विभिन्न मन्त्रीले विदेश भ्रमणमा २५ लाख र अर्थ मन्त्रालयका कर्मचारीले विदेश भ्रमणमा १६ लाख १६ हजार रुपैयाँ खर्च गरेका छन् ।
मोदी भ्रमणमा ७ करोडभन्दा बढी
सरकारले भारतीय प्रधानमन्त्री नरेन्द्र मोदीको नेपाल भ्रमण क्रममा ७ करोडभन्दा बढी खर्च भएको प्रतिवेदन सार्वजनिक गरेको छ । यसअनुसार प्रदेश २ लाई ४ करोड ४० लाख रुपैयाँ दिइएको थियो भने सरकारले काठमाडौंमा अतिथि सत्कार र सुरक्षा व्यवस्था शीर्षकमा २ करोड ९० लाख रुपैयाँ खर्च गरेको प्रधानमन्त्री तथा मन्त्रिपरिषद् कार्यालयले जनाएको छ ।
प्रतिक्रिया दिनुहोस !
