गुलरिया : गुलरिया नगरपालिका-४ स्थित भानोदय आधारभुत विद्यालयको कार्यालयको कोठा तोडफोड गरी कम्प्युटरलगायतका सामाग्री चोरी गरेको आरोपमा प्रहरीले दुईजना भारतीय नागरिकलाई पक्राउ गरेको छ।
विद्यालयको कम्प्युटर, प्रिन्टरलगायतका करिब साढे ३ लाख मुल्य बराबरका सामाग्री चोरीको आरोपमा उत्तर प्रदेश भारतको बहचाईचका २५ वर्षीय सनि गौतम र २१ वर्षीय त्रिभुवन गौतमलाई नेपालबाटै पक्राउ गरिएको जिल्ला प्रहरी कार्यालय बर्दियाका प्रहरी नायव उपरीक्षक युवराज खड्काले बताए।
उनले भने साउन २ गते विद्यालयमा चोरी भएपछि विद्यालयका प्रधानाध्यापक बासुदेव पौडेलले प्रहरीलाई जानकारी गराए थिए। प्रहरीले उनीहरुलाई गुलरिया नगरपालिका- ७ स्थित बदलुपुरबाट उनीहरुलाई पक्राउ गर्न सफल भयौं।उनीहरुबाट १ थान कम्प्युटर, ५ थान मनिटर, २ थान सीपीयु, फोटोकपी मेसिन १ थान बरामद गरिएको प्रहरीले जनाएको छ।थप अनुसन्धान भैरहेको डीएसपी खड्काले जानकारी दिए।
प्रतिक्रिया दिनुहोस !
