मातेको झोंकमा कमलले पत्नी सुन्तलीको ज्यान लिए
पोखराः पोखरा महानगरपालिका–२७ का ६३ वर्षीय कमल कुमालले रक्सीले मातेर आफ्नै पत्नी ५५ वर्षीया सुन्तली कुमालको सोमबार दिउँसो हत्या गरेका छन् । रिसको झोकमा उनले पत्नीको ज्यान लिएको जिल्ला प्रहरी कार्यालय कास्कीले जनाएको छ ।
जिल्ला प्रहरी प्रवक्तासमेत रहेका डीएसपी रवीन्द्रमान गुरुङका अनुसार कमलले दिउसो २ बजे गैंतीको बिँडले टाउकोमा हान्दा घाइते भएकी सुन्तलीलाई उपचारार्थ सामुदायिक अस्पताल सिसुवामा भर्ना गरिएको थियो ।
दिउँसो २ बजेर ३५ मिनेटमा उनलाई डाक्टरले मृत घोषणा गरेका थिए । प्रहरीका अनुसार घरायसी झगडाका क्रममा कमलले सुन्तलीलाई प्रहार गरेका थिए । हत्या अभियोगमा कमललाई प्रहरीले पक्रिसकेको छ ।