नुवाकोट : रसुवामा मंगलवार कन्टेनर दुर्घटना हुँदा चालकसहित तीनजनाको ज्यान गएको छ । दुर्घटनामा एकजना घाइते भएका छन् । सदरमुकाम धुन्चेबाट रसुवागढी हुदै केरुङतर्फ जाँदै गरेको ना६ख ४९२९ नम्वरको कन्टेनर गोसाइकुण्ड गाउँपालिका–५ को याङयाङ खोलामा दुर्घटना हुँदा चालकसहित तीनजनाको मृत्यु भएको जिल्ला प्रहरी कार्यालय रसुवाले जनाएको छ ।
सदरमुकाम धुन्चेदेखि १० किलोमिटर उत्तरमा रहेको साँघुरो सडकबाट कन्टेनर तीनसय मिटर तल खसेर दुर्घटनाग्रस्त हुँदा चालक रसुवाकै गोसाइकुण्ड गाउँपालिका–६ धुन्चेका २४ वर्षीय रामे विक, सोही स्थानका ३५ वर्षीय माहिले तामाङ र सोही स्थानकै ३५ वर्षिय साङ्गे लामाको ज्यान गएको रसुवा प्रहरी प्रमुख तथा प्रहरी उपरीक्षक सन्तोष तामाङले जानकारी दिए । दुर्घटनामा ै धुन्चकै ३० वर्षीय नरेश मल्लठकुरी गम्भीर घाइते भएका छन् ।
घाइतेको रसुवा जिल्ला अस्पताल धुन्चेमा प्राथमिक उपचार गरि थप उपचारका लागि मंगलवार वेलुकी काठमाडौँ लगिएको रसुवा प्रहरीले जनाएको छ । खाली कन्टेनर रसुवागढी हुँदै चीनको केरुङतर्फ सामन लिन जाने क्रममा थियो । दुर्घटनाको थप अनुसन्धान भइरहेको रसुवा प्रहरीले जनाएको छ ।
प्रतिक्रिया दिनुहोस !
