हेटाैंडा अस्पताल अब मनमोहन स्वास्थ्य प्रतिष्ठान

हेटाैंडा अस्पताल अब मनमोहन स्वास्थ्य प्रतिष्ठान

हेटौंडा : संघीय सरकारले ३ सय शड्ढयाको अस्पताल बनाउने हेटौंडा अस्पताल अब मनमोहन स्वास्थ्य प्रतिष्ठानमा परिणत हुने भएको छ । प्रदेश ३ को सरकारले अस्पताललाई मनमोहन स्वास्थ्य प्रतिष्ठानमा परिणत गनए आवश्यक काम थालेको हो ।

प्रदेश सरकारले चालु आर्थिक वर्षको नीति कार्यक्रममा स्वास्थ्य उपचारसँगै चिकित्सा शिक्षा शिक्षण संस्थाको रूपमा अस्पताललाई प्रतिष्ठान बनाउने घोषणा गरेसँगै २ करोड रुपैयाँ बजेट पनि छुट्याएको छ । प्रदेश ३ का मुख्यमन्त्री डोरमणि पौडेल र सामाजिक विकासमन्त्री युवराज दुलालले बुधबार अस्पतालको अनुगमन गरी रोकिएका काम तत्काल सुचारु गर्न निर्देशन दिएका हुन् ।

अस्पताल परिसरमा संघीय सरकारको सहयोगमा थप ७० शड्ढयाको भवन निर्माणको ठेक्का दिइसके पनि निर्माण सुरु भएको छैन । अस्पतालमा हाल १ सय २० शड्ढया छन् । ९ महिनाअघि आशिष एन्ड डीएस जेभी निर्माण कम्पनीले २८ करोड १० लाख रुपैयाँमा भवन निर्माणको ठेक्का पाएको थियो । अस्पताल परिसरमा रहेका आधा दर्जन पुराना भवनसँगै २३ वटा अशोकका र अरू ६ रुख कटान हुन नसक्दा भवन निर्माण सुरु हुन सकेको छैन ।

अस्पतालका कर्मचारीसँग छलफल गर्दै मुख्यमन्त्री पौडेल र सामाजिक विकासमन्त्री दुलालले रुख काट्न सहजीकरण गर्ने बताउँदै पुराना भवन तत्काल भत्काएर निर्माण थाल्न निर्देशन दिए । अस्पतालका मेडिकल सुपरिटेडेन्ट कमल दवाडीले वन कार्यालयले रुख काट्न अनुमति नदिएको र पुराना भवन भत्काउँदा डाक्टरलाई आवासमा समस्या भएकाले भवन निर्माण सुरु हुन नसकेको जानकारी गराए । सामाजिक विकासमन्त्री दुलालले तत्काल रुख काट्न आवश्यक पहल हुने र डाक्टरलाई केही समय भाडाका घरमा राख्ने व्यवस्था गरिने बताए । ‘सामान्य कुरामा अल्झिएर काम रोक्नु भएन’, उनले भने, ‘बजेटको समस्या छैन, कुनै बहानामा काम रोकिनु हुन्न ।’

 

 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.