निर्मला हत्या प्रकरण : दिलीपसिंहसँगै रिहा भए बम दिदीबहिनी

निर्मला हत्या प्रकरण : दिलीपसिंहसँगै रिहा भए बम दिदीबहिनी

कञ्चनपुर : १३ वर्षीया बालिका निर्मला पन्तको बलात्कारपछि हत्या प्रकरणमा पक्राउ परेका दुई युवती रिहा भएका छन् ।

निर्मलाको हत्यामा संलग्न रहेको भन्दै पक्राउ परेका रोशनी बम र बबिता बम पनि रिहा भएका हुन् । उनीहरुलाई पनि जिल्ला प्रहरी कार्यालयले मुख्य अभियुक्त भनिएका दिलीपसिंह विष्टसँगै जिल्ला सरकारी वकिल कार्यालयको राय सहमतिमा रिहा गरेको हो । 

दिलीपसिंह र रोशनी जमानतमा रिहा भएका हुन् भने बबितासँग ३० हजार रुपैयाँ धरौटी लिइएको छ । 'बम दिदीबहिनीलाई उनका बुबाको जिम्मा र दिलीपलाई उनका दाजुको जिम्मा लगाएका छौँ,' उनले भने ।बिष्टलाई दोषी ठहर गर्दै सार्वजनिक गरेपछि कञ्चनपुरमा मानसिक सन्तुलन गुमाएको व्यक्तिलाई दोषी देखाइएको भन्दै आन्दोलन भएको थियो । आन्दोलनका क्रममा १४ वर्षीय सनी खुना शहीद भएका थिए ।

कञ्चनपुरका प्रहरी प्रमुख एसपी कुवेर कडायतका अनुसार तीनैजनालाई रिहा गरिसकिएको छ । निर्मला साउन १० गते गृहकार्य गर्न भन्दै साइकलमा चढेर किताब कपीसहित रोशनी र बबिता बस्ने घरमा गएकी थिइन् ।

तर उनी त्यसपछि कहिल्यै घर फर्किनन् । उनको शव उनको गाउँकै उखुबारीमा नग्न अवस्थामा भेटिएको थियो । रोशनी र निर्मला एउटै कक्षमा पढ्ने साथी पनि थिए । रोशनी र बबिता दुईजना मात्रै महेन्द्रनगरमा बस्दै आएका थिए ।   

रोशनी र बबिता दुवैले प्रहरी र अदालतमा निर्मलाको हत्यामा आफूहरुको संलग्नता अस्वीकार गरेका थिए । उनीहरुविरुद्ध सवुत प्रमाण र साक्षी समेत नभेटिएपछि अदालतले रिहा गर्न आदेश दिएको हो । 

 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.